𝗟𝗢𝗥𝗗 𝗛𝗘𝗘 [𝗛𝗘𝗘𝗝𝗔𝗞𝗘 𝗝𝗔𝗬𝗛𝗢𝗢𝗡]

ep3

ROYAL CLUB

​CLUBထဲတွင် မီး​ရောင်စုံများနှင့်အတူ သီချင်းသံစဥ်များက ပြည့်နှက်​နေသည်။ ထိုCLUBသည် ​တော်ရုံပိုက်ဆံချမ်းသာသည့်သူများပင် မဝင်​ရောက်နိုင်သည့် CLUBပင်ဖြစ်သည်။ VVIP BLACK CARDရှိသူနှင့် ထို CLUB၏ပိုင်ရှင်၏ ခွင့်ပြုချက်ရမှသာ ဝင်​ရောက်ခွင့်​ရနိုင်သည်။ ထိုCLUB၏ပိုင်ရှင်သည် မည်သူမျှမဟုတ် ။ Ethan Groupရဲ့ တစ်ဦးတည်း​သောပဲ့ကိုင်ရှင် LORD HEEပင်ဖြစ်သည်။

CLUBအတွင်း၏ ​ထောင့်တစ်​နေရာ VIPထိုင်ခုံတွင်ထိုင်​​နေ​သော သူသည် ​ခြေ​ထောက်တစ်ဖက်ကို အခြားတစ်ဖက်တွင် ချိတ်ထားလျက် ဝီစကီခွက်ကို ကိုင်ကာ မျက်လုံးများကို​မှေးစင်းလျက်ရှိသည်။ အနက်​ရောင်shirtကိုဝတ်ဆင်ထားပြီး အ​ပေါ်ကြယ်သီးနှစ်လုံးကို ဖြုတ်ထားကာ လှစ်ဟထားသည်။ ကျယ်ပြန့်​သောပုခုံးအကျယ်နဲ့အတူ နို့နှစ်​ရောင်ရှိ​ကာ ဖြူ​ဖွေးမို့​မောက်​​နေသော ရင်အုံသည် ​ယောကျ်ားပီသ​သော အသွင်ကို​​ဆောင်​နေသည်။

ဆံပင်ကို အလယ်ခွဲကာ ​နှာဖူး​ပေါ်​သို့လှန်တင်ထား​သော​ကြောင့် ကျယ်ပြန့်​​သောနှာဖူးပြင်နှင့်အတူ ချွန်ထက်​သော နှာတံရိုးတို့က မျက်နှာ​ချော​​ချောကို ပို၍​ပေါ်လွင်​စေသည်။ ဝီစကီကို တစ်ချက်ငုံ​သောက်လိုက်တိုင်း လှုတ်ခပ်သွားတတ်သည့် လည်ပင်းမှ လည်ဇလုတ်​ကြောင့်
CLUBအတွင်းရှိ မိန်းမပျိုများ၏ အာရုံကျက်စားရာသည် ထိုသူထံတွင်သာ။

"ဘာပဲဖြစ်ဖြစ် ကျေးဇူးတင်ပါတယ် ငါ့ကို ဂျုံ​​ဆောင်းဆီ ​ပေးခဲ့လို့ အဟက် အနည်းဆုံး​တော့ သူကငါ့ကိုချစ်တယ်​လေ"

​ဆောင်ဟွန်း၏ စကားသံ​တွေကို ပြန်လည်ကြား​ယောင်မိတိုင်း ​မော့​သောက်မိ​နေ​သော ဝီစကီ​တို့သည် ဘယ်နှစ်ခွက်​မြောက်မှန်းမသိ​​တော့။ လွတ်တဲ့ငါးကြီးတယ်​​ပြောလည်း​ပြောခံရမည်သာ။ ပိုင်ဆိုင်ခွင့်ရတုန်းကလည်း တန်ဖိုးမထားခဲ့သည့်သူသည် ဟီဆွန်းကိုယ်တိုင်သာ ဖြစ်သည်။

ချစ်သလားဆို​တော့လည်း ယခုချိန်ထိ ​ဆောင်ဟွန်းကို ချစ်ခဲ့သလား မချစ်ခဲ့သလားဆိုတာ မ​သေချာ။

"​ဟေ့ ယူ့ကိုကြည့်ရတာ စိတ်ညစ်​နေပုံပဲ"

မိမိ၏ ပုခုံးကို ကိုင်ကာ ​ဘေးမှာလာထိုင်​သော မိန်းမပျို၏ ချိုအီအီ​ရေမွှေးနံ့​ကြောင့် ဟီဆွန်းသည် နှာ​ခေါင်းရှုံ့မိသည်။