ركزت نظرها على التليفون بضجر : دى باين عليها ليله طويله
ردت بملل : خير يا محمد
اعتدلت بقلق وهى بتفتح عيونها بخوف وهى ملاحظه صوت البكى فى صوته : محمد مالك
حاول محمد يتمالك نفسه : رنا ندى حامل
فتحت رنا عيونها بصدمه وهى بترمش بعدم تصديق : نعم ازاى كيف امتى انتو عملتو العمليه
ضحك محمد بدموع : يعنى لحقت أسافر واعمل العمليه فى كام ساعه
ضغطت رنا على أسنانها بقهر : هى فوازير رمضان أنجز إيه الحكايه
ركز خالد نظره عليها بفضول : فيه مشكله معاكى
غمضت رنا عيونها بقهر : والنبى اسكت كده لحد مفهم الحكايه
ضحك محمد وهو بيهتف بفرح : ندى طلعت حامل فى أول التانى بس حبت تعملها مفاجأة ليا وخبت الحمل
ضغطت رنا على أسنانها وهى بتحاول تظبط تنفسها السريع : اديها التليفون بسرعه
جالها صوت ندى الضاحك بفرحه : أسفه يارينو كان نفسى أقولك بس
قاطعتها رنا بصوت باكى : أنتى حامل صح يعنى هتخلفى وتقبى أم قريب
جاها صوت ندى القلقان : أيوا ياحبيبتى مال صوتك أنتى معاكى مشكله
حاولت رنا تمسح دموع الفرح وهى مبتسمه بعدم تصديق : مبسوطه خالص بس استنى لما أشوفك همسح بيكى الأرض ازاى تخبى عنى وتقعدى لحد أول التانى لوحدك من غير ما اكون انا أو الغبى جوزك جنبك
ابتسمت ندى بحنان : حبيت اعملها مفاجأة ليكم
حاولت رنا تمسك دموعها وهى بتزفر بحزن : أسفه محستش بيكى وسبتك لوحدك
ضحكت ندى بحنان : اهدى ياروحى متخافيش انا مكنتش لوحدى عمى عبد العزيز كان معايا دايما
وقفت رنا بصدمه : نعم ياختى زيزو كان عارف ومقاليش بصى اقعدى كده وأنا جيالك دلوقتى
فضل خالد يرمش عيونه بعدم فهم لردت فعلها : أنتى كويسه
قعدت رنا جنبه بفرحه : تسدق وتأمن بالله أنت وشك حلو عليا
أبتسم خالد على ملامحها الفرحه بطفوليه : إيه الحاصل
اتكلمت رنا بصوت عالى بفرح : ندى حامل
ضيق خالد عيونه بعدم فهم : وده مفرحك كد ليه
فتحت رنا عيونها بدهشة : يعنى إيه إيه المفرحنى واحده هتخلف وتقبى أم ازاى ده ميفرحش
دخلت سيرين وعايده على صوت رنا العالى
سيرين بقلق : مالك يا رنا
ركزت عايده نظرها بفضول على رنا وهى بتحط الصينيه على الطربيزه
أنت تقرأ
لقد جمعهما القدر
Romanceقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
