أبتسمت الكوافيره برضى وهى بتبعد أيدها عن رنا : وكده نقبى خلصنا إيه رأى عروستنا الحلوه
ركزت رنا نظرها على المرايه ورجعته للكوفيره بتوتر : شكلى حلو صح
ضحكت الكوفيره بمرح وهى بتحط أيديها على كتف رنا : أقسم بالله قمر و أحلى منه كمان
أبتسمت رنا بتوتر وهى بترجع تتأمل نفسها فى المرايه بقلق
قاطعهم دخول منيره ببسمه
أبتسمت رنا بهدوء وهى بتركز نظرها عليها
طبعت منيره بوسه رقيقه على رأسها : مشاء الله عليكى ياروحى
عبست رنا بطفوليه وهى بتركز نظرها على منيره بتوتر : خالتى سيبك من جو المجاملات ده قوليلى بصراحه شكلى حلو فعلاً
ضحكت الكوفيره بمرح وهى بتشيل أدواتها : أنا هسيب حضرتك تقنعياها وهنزل تحت لو احتجتو اى تعديل اتصلو بالقاعه تحت وأنا هاجى فوراً
ابتسمتلها منيره بشكر : تسلمى يا حبيبتى
بعد خروج الكوفيره رجعت رنا نظرها عليها بقلق وهى بتحاول تتحكم في تنفسها المتوتر : ها ردى عليا شكلى فعلاً
قاطعتها منيره وهى بتضحك و بتضربها بخفه : يعنى احلفلك أنك قمر بعدين يعنى بذمتك أنا هرضى أنك تطلعى غير لو كنتى قمر
زفرت رنا بقوه وهى بتحط أيدها على قلبها : متتصوريش خايفه ومتوتره كد إيه
أبتسمت منيره برقه وهى بتضغط على أيديها بحنان : عادى ياروحى كل ده طبيعى
نزلت رنا رأسها وهى بتحركها بالموافقه بخفه
رفعت منيره رأس رنا بحنان وهى بتبتسم بهدوء : حبيبتى اسمعينى كويس أنتى دلوقتى داخله على مرحله جديده من حياتك
ذادت بتسمتها وهى بتركز نظرها على عيون رنا بحنان : اسمعى يابنتى الرجل مهما كبر بيفضل ولد صغير أوعى يغرك طوله ولا عقله لأن دايما جواه ولد صغير عايز اليهتم بيه فعامليه على الأساس ده يعنى مره تتحايلى عليه مره تدلعيه ودايما خليه فى اولويات إهتمامك
ضحكت رنا بخفه وهى بتقاطعها : يا سلام ادلعه واتحايل عليه طيب ما هو كده هيطلع ولد مدلع وأنا ميرضينيش كده
ضحكت منيره بخفه وهى بتحرك رأسها بالموافقه : مهو برضو لازم تشديه بس براحه مش تخنقيه
ضحكت رنا بمرح وهى بتحرك أيديها بالرفض : لا خلاص ياستى ده حوار الجواز طلع كبير قوى وأنا مش قديه
ضربتها منيره بخفه وهى بتضحك : يابنت على الأقل احترمى فستان الفرح ده واعقلى شويه
حركت رنا رأسها بالرفض وهى بتضحك : لا خالد حبيبى قالى أنه بيحبنى كده ومش عايزنى أعقل
أنت تقرأ
لقد جمعهما القدر
Romanceقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
