زفرت رنا بضيق وهى بتقعد على الكرسى قدام رامز: نعم عاوز إيه
رفع رامز حاجبه بسخريه وهو بيكتف أيديه : إيه الأسلوب ده حاسس انك عايزه تضربينى قلمين
فتحت رنا عيونها بصدمه : سبحان الله أنت طلعت بتحس
ضغط رامز على أسنانه بقهر : ممكن أعرف أنتى ليه بتعاملينى كده
ابتسمت رنا ببرود : والمفروض اعامل حضرتك ازاى
زفر رامز بضيق وهو مركز نظره عليها : أنا عارف أنى غلطت بس ده مش غلطى لوحدى سيرين استغلتنى
ابتسمت رنا بسخرية وهى بتكتف أيديها : استغلتك ازاى يعنى ضحكت عليك مثلا و لا وعدتك بالجواز وغدرت بيك
ضرب رامز الطربيزه بقهر : ممكن تبطلى تريقه
ركز نظره عليها بجدية : سيرين مش الملاك البريء هى كانت دايما بتحاول تعرض نفسها عليا فى طريقه كلامها ولبسها وفى حركاتها يعنى هى كمان كانت عايزه كده قوليلى اقبى غلطت ازاى
ركزت رنا نظرها عليه بضيق : لما تكون على علاقه بواحده مش مراتك ولما تحمل تطلب منها أنها تقتل طفل لسه ما شفش النور حتى وترفض تعترف بيه واخر المتمه تقرر تحرمه من أمه بعد كل ده تقول ازاى غلطت لا والله
استند رامز على الطربيزه وهو مركز نظره عليها بجدية : رنا افهمينى ازاى ترمى حاجتك فى الشارع وتزعلى لو حد خدها سيرين كانت كده بالظبط عيزانى أعمل إيه وأنا شايفها بتعرض نفسها عليا بالشكل ده أنا راجل وطبيعى أضعف لما هى مخافتش على شرفها وحافظت عليه ورمته فى الشارع كده يقبى طبيعى أى حد ياخده
رجع ضهره لورا وهو مركز نظره عليها : وازاى عيزانى أقبل بولد جه بالطريقة دى ها ردى عليا وبعدين أنا لما أبعده عنها أنا كده بحافظ عليه تقدرى تقوليلى سيرين هتربيه ازاى وتعلمه إيه أفرضى أنها طلعت بنت إيه هتعلمها ازاى توقع الرجاله مثلاً
أبتسم بسخرية وهو ملاحظ رنا بتضغط على شفايفها بضيق وتبعد نظرها عنه
كمل بسخرية : بعد كل ده عيزانى اخليها تشيل أسمى وتحافظ على سمعتى وشرفى ازاى وهى محافظتش على شرفها قوليلى ازاى هتأكد أنها مش هتعمل مع غيرى نفس العملته معايا
زفرت رنا بضيق وهى بتضغط على عيونها : تمام عرفنا أنك الملاك البريء وبعدين المفروض ده يفرق معايا فى إيه
اعتدل رامز فى مقعده بجدية: رغم أنه يهمنى أنك تعرفى أنى ملييش ذنب بس مش ده السبب الخلانى اقابلك
ركزت نظرها عليه بضجر : طيب ممكن حضرتك تتكرم وتقولى عايز تتكلم فى إيه أنا ورايا ألف حاجه غيرك
ضيقت عيونها وهى بتبتسم ببرود : وصدقنى أقل حاجه فيهم أهم عندى منك
أبتسم رامز ابتسامه جانبيه وهو مركز نظره عليها : وياترى من ضمن الألف حاجه دى تصميمك لمصنع شركه السيوفى
أنت تقرأ
لقد جمعهما القدر
Romansaقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
