نزل خالد فنجان القهوة بهدوء وهو بيبتسم : تعرفى رغم أنه مكان بسيط بس مريح
زفرت رنا بضيق وهى مركزه نظرها الغاضب عليه بقهر : على فكره انا مش عزماك على القهوة ممكن تنجز وتقولى شروطك على الجواز
استند خالد على الطربيزه بايديه وهو مبتسم ببرود : هو انتى مستعجله كده ليه احنا لسه حتى مشربناش القهوة
حطت رنا ايديها على وشها بضيق وهى بتضغط على أسنانها : انت ليه محسسنى أننا جايين نتعرف على بعض
حرك خالد كتافه بعدم اهتمام : وليه لا مش هنكون نسايب خلينا نتعرف على بعض
ضغطت رنا على الطربيزه بفرحه : يعنى وافقتو على الجواز
ابتسم خالد وهو بيقرب وشه منها : بس بشروط جديده
اختفت ابتسامه رنا وركزت عيونها بدهشه عليه : يعنى إيه
اعتدل خالد فى مقعده بهدوء : يعنى أننا هنيجى نطلب أيد سيرين النهاردة بس هى هتكتب تنازل
قاطعته رنا بحيره : إحنا اتفقنا على كده وهى هتكتب تنازل عن أى مستحقات للولد
ابتسم خالد ابتسامه جانبيه وهو مركز نظره عليها : انتى دايما متسرعه كده حتى فى كلامك
كمل وهو بيشبك.ايديه على الطربيزه بهدوء : هى هتكتب تنازل عن حضانه الولد مع التنازل عن مستحقاته
وقفت رنا بصدمه وعصبيه : انت بتقول إيه طبعا مش هنوافق على الهبل ده
قاطعها خالد وهو بيركز نظره الحاد على عيونها : سيرين وافقت
وقعت رنا على الكرسى بصدمه وهى بتهمس بعدم تصديق : ازاى
أبتسم خالد ابتسامه جانبيه وهو بيرجع بضهره لورا ويمسك فنجان القهوه : يعنى إحنا هنديها فلوس تمن تنازلها عن الحضانه وبدء يشرب القهوة بهدوء
فتحت رنا عيونها بعدم تصديق : ازاى تعملو كده انتو هتخلو ولد يعيش من غير أمه
رفع كتافاته بعدم اهتمام : انتى مسدقه ان سيرين تستحق تكون أم او تستحق أنها تشيل إسم السيوفى و بعدين منين نضمن أنها مش هطالب بمستحقات الولد
شبك ايديه على الطربيزه بجديه حتى لو مضت تنازل لما الولد يكبر اكيد هيطالب وقواضى وصحافه وانتى عارفه الباقى
قربت رنا منه بغضب وهى بتضرب الطربيزه : ازاى جبرتوها توافق
ضحك خالد وهو بيرجع بضهره لورا ويكتف ايديه ببرود : انا مغصبتش سيرين على حاجه هى وافقت برضاها
رمشت رنا عيونها بعدم تصديق وصوت متقطع هامس : ازاى يعنى وافقت تسيب أبنها
ابتسم بسخرية وهو مركز نظره عليها : طلعت الفلوس اهم من ابنها علشان تسدقى انا هسمعك صوتها وهى بتوافق
أنت تقرأ
لقد جمعهما القدر
Romansaقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
