لقد جمعهما القدر

الفصل ١٢

استند ماجد على مكتب مصطفى ببسمه : درش حبيب قلبى

ركز مصطفى نظره عليه بسخرية : طالما قولت درش وحبيبى يقبى أكيد عايز مصلحه

زادت ابتسامته وهو بيقرب منه اكتر : لا بجد مشاء الله عليك دايما ذكى وبتفهمها وهى طايره

كتف مصطفى أيديه وهو مركز نظره عليه بضجر : خابزك وعاجنك وعارف لسانك ده مش بيتعدل غير لو عايز مصلحه فانجز عايز إيه

حرك ماجد كتافاته بعدم اهتمام : يادوب عايزك تجيب فنجان قهوه

زفر مصطفى بضيق : ورايا شغل روح هات لنفسك

أبتسم مصطفى بخبث وهو ملاحظ نظرات ماجد لرنا المشغوله بالتصميم : بصراحه أنت عايز قهوه ولا عايزنى امشى

أبتسم ماجد بحرج وهو بيحط أيده على رقبته : بصراحه عايزك تمشى

أبتسم مصطفى بفرح وهو مركز نظره عليه بشك : أنت عايز تتكلم مع رنا فى حاجه

ضيق ماجد عيونه بغيظ : يعنى هتمشى ولا هتقعد تعمل المحقق كونن

أبتسم مصطفى بمرح : لا ياعم أنا برضو إنسان حساس ومش بحب اقبى عزول

ركز نظره على رنا بمرح : رينو محتاجه حاجه من برا 

ركزت رنا نظرها عليه ببسمه : لو هتروح تجيب قهوه هاتلى معاك حاسه بصداع

زادت ابتسامته وهو مركز نظره عليها بمرح :  لا أنا هروح اتغدا وبعدين أحلى وفى الأخر أشرب قهوه واجى

فتح ماجد عيونه بصدمه : وجاى على نفسك كده ليه ما تروح تنام شويه كمان

قرب منه مصطفى بمشاكسه  وهو بيهمس بمرح : علشان تاخد راحتك فى الكلام

ضيق ماجد عيونه بعدم فهم : قصدك إيه

ضحك مصطفى وهو بيغمزله بمشاكسه : مش فاهم قصدى برضو

ضيقت رنا عيونها بضيق : انتوا بتقولو إيه

ركز مصطفى نظره عليها بمرح : ولا حاجه سلام بقى علشان الحق اتغدا

قعد ماجد قدام مكتب رنا وهو مركز نظره عليها: ممكن أعرف إيه اللى شاغلك

حاولت رنا تبتسم بمرح : بحب

فتح ماجد عيونه بصدمه : إيه ازاى ومن امتا ومين هو أصلا

حاولت رنا توقف ضحك على ملامحه المصدومه : أنت صدقت ولا إيه

زفر ماجد براحه وهو مضيق عيونه بضيق : هزار بايخ

رجع نظره ليها بجدية : بس بجد إيه اللى شاغل بالك

ابتسمت رنا بهدوء : يعنى مش عارف كميه الشغل اللى عليا أكيد مشغوله بيه

رفع ماجد حاجبه بسخرية : لا والله تصدقى اقنعتينى