فتحت سيرين عيونها بصدمه وهى بتمسك الباب: ملك
أبتسمت ملك وهى بتقرب منها : صباح الخير
ركزت ملك نظرها على أيد سيرين البتمسك الباب بسخرية : إيه ياسيرين هو أنتى بتستقبلى ضيوفك كده طيب دخلينى على الأقل
بعدت سيرين عن الباب وهى بتشاور لملك تقعد : لا طبعاً اتفضلى
أبتسمت ملك وهى بترجع بضهرها لورا : ياااه ياسيرين عدى فتره طويله على اخر مره اتقابلنا احكيلى عامله إيه
ضحكت سيرين وهى بتشبك أيديها وترفع حاجبها بسخرية : يعنى أنتى عايزه تفهمينى أنك جايه تسألى عليا
زفرت بهدوء وهى بتركز نظرها على ملك : ممكن تعرفينى إيه سبب تشريفك ليا بالزيارة
ضحكت ملك بخفه وهى بتسقف لسيرين : لا بجد بحييكى من يومك ذكيه علشان كده بتعجبينى
اعتدلت ملك وهى بتشبك أيديها و لسه محتفظه ببسمتها : عايزاكى فى مصلحه ليا وليكى ولابنك
كتفت سيرين أديها وهى بترجع بضهرها لورا : ملك ادخلى فى الموضوع على طول من غير مقدمات عايزه إيه بالظبط
كتفت ملك أيديها وهى بتغمض عيونها و تحرك رأسها بالموافقه : معاكى حق أنا كمان بقول كده
فتحت عينيها وهى مركزه نظرها على سيرين بجدية : من الآخر أنا عايزه أخلص من رنا وبعدها عن خالد ومفيش حد هيساعدنى غيرك
أبتسمت سيرين بهدوء وهى بتحط رجل على رجل : وأنا هستفاد إيه لما أساعدك
رفعت ملك حاجبها بتعجب وهى بتبتسم ابتسامه جانبية : يعنى عايزه تفهمينى أنك عايزه رنا تتجوز خالد وتقبى كل أملاك خالد ليها
كملت بسخرية : ده خالد لو حب ممكن يديها أسهم تساوى أسهم جوزك كلها كاهديه ليها
أختفت ابتسامه سيرين وهى بتشبك أيديها وتركز نظرها على ملك بجدية : مش هنكر أنى مش عايزه رنا تتجوز خالد بس برضو ده مش سبب يخلينى اخاطر واساعدك
أبتسمت ابتسامه جانبية : إيه رأيك تدينى سبب يقنعنى اكتر
بعدت ملك شعرها وهى بتبتسم ابتسامه جانبية : مش بقولك أنك بتعجبينى اسمعى أنا هديكى مليون جنيه
مثلت سيرين الضيق وهى بتحرك رأسها بالرفض : مكنتش أعرف أنك بخيله جدا كده بذمتك قربك من خالد ما يستاهلش اكتر من كده
رفعت ملك نظرها بحده لسيرين : سيرين بلاش تطمعى
أبتسمت بسخرية وهى بتقف وتقعد جنبها : أنا مش عارفه أزاى أنتى قدرتى تقنعى رامز بالجواز بس أنا وأنتى عارفين رامز كويس عارفين كد إيه هو مستهتر وبيزهق بسرعه علشان كده كل يوم تلاقيه مع واحده شكل
أنت تقرأ
لقد جمعهما القدر
Romanceقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
