دخل عبد العزيز اوضه رنا وفتح النور ببسمه قرب من سريرها
ضحك بخفه على شعرها المبعثر بعشوائية و شكلها الفوضاوى
بدء يبعد شعرها عن وشها بنعومه وهو بيحركها بهدوء : ملاكى الحلو
أبتسم على ملامح الغضب الطفولى فى وشها وذاد من قوته وبدء يعلى صوته: رنا
صحيت رنا مفزوغه بخضه وهى بتتلفت حوليها : إيه حرامى زلزال ولا حريقه ايه
فتح عبد العزيز عيونه بدهشة وهو واقع على الأرض من صدمته : وأنا الكنت نسيت ليه بطلت اصحيكى
فركت رنا عيونها بنعاس بعد ما رجعت للواقع : أسفه يا زيزو بس أنت برضو خضيتنى وانت بتهزنى كده
رفع حاجبه بتعجب : خضيتك انا الخضيتك
أبتسمت بنعاس وهى بتبعد شعرها الحريرى عن وشها : معلهش بقى مهو أنت عارف أنى مش بحب حد يصحينى
أبتسم بحنان وهو بيقد جنبها ويمسح على شعرها : يعنى لما تتجوزى مش هتخليه يصحيكى مثلاً
ضيقت عيونها بضجر وهى بتحرك رأسها بالرفض : أموت وأعرف ايه الجاب سيره الجواز دلوقتى أنت لازم تحشر السيره دى فى كل موضوع بعدين
فتحت عيونها بسرعه وهى بتقرب منه : استنى لحظه قصدك أنك وافقت على خالد صح
أبتسم بحنان وهو بيحرك رأسه بالموافقه : أيوا بس
قاطعته رنا وهى بتحضنه بفرح : أيوا كده يازيزو فرحتنى
بعدها عنه وهو بيحاول يصطنع الغضب وهو بيضغط على ودنها بقوه : طيب أعملى نفسك مكسوفه شويه دانا ابوكى حتى عيب كده
بعدت أيده عنها وهى بتحط أيدها على خدوده بمرح : يازيزو ياحبيبى أنت صاحبى واخويا وحبى الأول يعنى مفيش داعى أمثل دور الكسوف قدامك دلوقتى خلينا فى المهم امتا الخطبه
ضربها بخفه على رأسها بضحكه: تسدقى دلوقتى اقتنعت أنى فعلاً معرفتش اربى
حطت رنا أيدها على رأسها وهى مغمضه عيونها بألم : يعنى أرفض العريس تضايق اوافق تضايق أعمل إيه يعنى فعلاً انتو الرجاله ميعجبكمش العجب ولا حتى الصيام فى نص رجب
مسك عبد العزيز ياقت بجامتها وهو بيحاول يوقف ضحكه : أنا بس عايز اعرف أنا كنت فين وأنتى بتتربى دى لا يمكن تكون تربيتى بذمتك تنفع العمايل دى
ضيقت رنا عيونها بضحكه : طيب بذمتك أنت تنفع المعاملة دى على الصبح كده دا أنت ما سكنى ولا كأنى حرامى غسيل ممسوك متلبس
نزل عبد العزيز أيده وهو بيبتسم بحنان : أنا حاسس أن خالد إنسان كويس كفايه أنه جه من الباب بس حاسه متسرع خالص فى موضوع الجواز ده يعنى تصورى أنه عايز الخطبه تكون بعد بكره بس أنا مش موافق على السرعه دى
أنت تقرأ
لقد جمعهما القدر
Roman d'amourقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
