لقد جمعهما القدر

الفصل الاول

غمضت رنا عينها العسليه وهى بتزفر بضيق شد انتباها وقوف بنت بعصبيه وهى بتكلم عامل الكافيه

البنت بضيق وصوت عالى : انت اعمى مش تفتح ازاى تكب الميه كده

نزل رأسه باسف : انا آسف يا انسه مكنش قصدى

كتفت أديها بسخريه : لا والله وانا اعمل إيه باسفك اعتدلت فى وقفتها بغضب يلا قولى هعمل إيه باسفك

قرب منها واحد من زباين الكافيه بضيق وهو بيضغط على كتفها : خلاص يابنتى الموضوع مش مستاهل أنك تعلى صوتك ده فى مقام ابوكى برضو

بعدت أيده بعصبيه وهى بتزفر بضيق : مين ده الزى أبويا شاورت بايدها على العامل من فوق لتحت باحتقار انت بتشبه ده ببابا

نزل العامل رأسه بحرج وضيق

رفعت البنت فلوس وهى بتزفر بضيق: خلاص خد دول

فتح الزبون عنيه بصدمه ومسك أديها بعصبيه : إيه ده هو أهلك علموكى تعاملى الأكبر منك كده

قاطعته رنا وهى بتقترب بهدوء : اهدو يا جماعه إيه الحكايه

كتفت البنت اديها بضيق وهى بتحرك رأسها بملل : الاعمى ده كب الميه على هدومى

اعتدل الزبون فى وقفته وهو بيحرك رأسه برفض : لا كده كتير هو أهلك

قاطعته رنا ببسمه وهى بتضغط على كتفه بهدوء : أهدى يا استاذ حضرتك بتضيع وقتك وتعبك فى محاضرات مش هتعمل حاجه غير إنها هتصدع الانسه ركزت نظرها على البنت ببسمه : ده ملهوش فايده ولا إيه

زفرت البنت براحه وهى بتبتسم لرنا : ياااااه اخيرا حد عاقل

قربت منها رنا ببسمه : الدروس النظرى ملهاش فايده فى حالت الانسه لازم درس عملى طلعت فلوس وحطتها على طربيزتها

رفعت البنت حاجبها بتعجب وهى مركزه نظرها على رنا : إيه ده

رنا بهدوء : تمن الدرس العملى

هزت البنت رأسها بعدم فهم : إيه

قاطعتها نور وهى بتضربها بقلم قوى

وقعت البنت بصدمه رفعت أيدها تتحسس خدها وقفت بغضب وهى بتحاول ترد لرنا القلم

مسكت رنا أيد البنت ولوتها ورا ضهرها وحطت رأسها على الطربيزه

غمضت البنت عيونها بألم حاولت ترفع رأسها من الطربيزه : انتى مجنونه انتى متعرفيش انا بنت مين

رنا بسخريه : واحد معرفش يربى بنته اكيد ميشرفنيش أعرفه

بعدت ايدها عن البنت حاولت البنت تضربها تانى ومره تانيه لوت ايدها وضغطت على رأسها

رنا بضحكه : هى الطربيزه عجبتك ولا ايه اتكلمت بجديه بصى ياحلوه انا هسيبك وانتى تمشى من سكات ومشفش وشك هنا تانى ضغطت رنا على أيد البنت وهى بتهمسلها بغضب لو حاولتى تمدى إيدك تانى هكسرهالك ماشى