اختفت ابتسامة خالد وهو بيشوف الدموع متحجرة فى عيونها المصدومه
قرب منها بقلق : رنا مالك إيه اللى حصل
ركزت نظرها على عيونه و نزلت دموعها بصمت
ضيق خالد عيونه بقلق وهو بيضغط على كتفها : رنا إيه الحصل
ابتلعت ريقها وهى منزله رأسها بضعف وصوت هامس باكى : خالد تتجوزنى
فتح عيونه بصدمه : إيه أنتى قولتى ايه
غمضت رنا عيونها باستسلام وهى لسه منزله رأسها : تقبل تتجوزنى
ضغط خالد على عيونه وهو بيزفر بضيق: رنا صبرى بدء يخلص إيه الحاصل معاكى وليه الطلب الغريب ده
قعدت رنا على الكرسى بضعف وهى بتضغط على رأسها بصوت ضعيف باكى : أنا مش فاهمه حاجه مش عارفه لازم أعمل إيه
ركز خالد نظره بجدية على نظراتها المضطربه بحيره : رنا لو سمحتى أهدى واحكيلى إيه الحصل
رفعت رنا عيونها ليه بضعف وهمس خائف : لو بابا معملش العمليه ممكن يسيبنى
زاد الخوف فى عيونها وهى بتبكى بضعف : بس أنا مش هقدر أعيش من غيره أنا مش معايا غيره
بدأت تبكى بهستيريا وهى بتضغط على عيونها : كله بسببى دايما أنا سبب مشاكله كله منى
وقف خالد وهو بيجبرها تقف معاه : رنا مش هينفع نتكلم هنا ممكن دكتور عبد العزيز يجيى هنا ويشوفنا تعالى معايا
مشت رنا معاه باستسلام وهى بتحاول تتمالك نفسها
وقف خالد عربيته فى مكان هادى بعيد عن المستشفى
زفر بهدوء وهو مركز نظره عليها بجدية : دلوقتى ممكن تتكلمى بهدوء وتشرحيلى الموضوع
حاولت رنا تمسح دموعها وهى بتركز نظرها عليه بحزن : أنا سمعت بابا وهو بيتكلم مع عمى فاروق
غمضت عيونها بضعف وهى بتحاول تمنع دموعها : بابا محتاج أنه يعمل عمليه وتأخيرها فيه خطر عليه
ضغطت على شفايفها بقهر وهى بترجع نظرها عليه : بس مش هيعملها غير لو أنا اتجوزت
ضيق خالد عيونه بعدم فهم : طيب أنتى ليه ماتقوليش الحقيقه أنك عرفتى كل حاجه وتقنعيه يعمل العمليه بدال ما تورطى نفسك فى الجواز
رجعت رنا بضهرها فى مقعد العربية وهى بترفع رأسها لفوق وتحركها بالرفض : مش هيوافق أنا بعرف بابا كويس مش هيرضى يعمل العمليه غير لو اطمن عليا أنى هكون كويسه ومستقره
ابتسمت بحزن : دايما بيفكر فيا ويفضلنى على نفسه
نزلت دموعها بقهر : بس هو مش عارف أنى مش هكون كويسه من غيره
ركزت نظرها عليه برجاء : خالد لو سمحت ساعدنى ومفيش داعى تقلق إحنا هنتخطب بس مش هنتجوز
أنت تقرأ
لقد جمعهما القدر
Romanceقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
