وقفت عايده بفرحه وهى بتتأمل بنتها بفستان الفرح : مشاء الله عليكى ياروحى خمسه فى عين اليشوفك وميصليش على النبى
ضحكت سيرين وهى بتقف وتعدل طرحه الفستان : طالعه حلوه صح
ابتسمت عايده بفرح : حلوه بس لا ياروحى دا أنتى تقولى للقمر قوم وانا اقعد مكانك
كملت بعبوس : بس ياحبيبتى مش لو كنتى طلعتى بشعرك كان هيكون أحلى من الطرحه دى
قاطعتها رنا وهى بتحضن سيرين : لا طبعا بالطرحه أحلى
ركزت رنا نظرها على عايده بجدية : بعدين سيرين محجبه ازاى يعنى تقعد بشعرها
كتفت عايده أيديها بضيق : يابنتى ده يوم فرحها يعنى ليله العمر لازم تفرح زى باقى البنات ده يوم واحد ومش هيتكرر
فتحت رنا عيونها بدهشة : هو حضرتك بتتكلمى جد ازاى يعنى علشان ليله العمر يقبى عادى تقلع الحجاب والله الأنا اعرفه ان الحرام حرام فى أى يوم
كملت بسخرية : مش بييجى فى ليله العمر دى ويقبى حلال وسداح مداح تقلع الطرحه وتطلع بالفستان كده من غير حاجه تحتيه وبعدين إيه علاقة أنها تفرح بأنها تقلع الحجاب
زفرت عايده بضيق وهى بتبعد نظرها عن رنا : ادييها قلبت على قناه النور والإيمان
قاطعتهم سيرين بضيق : خلصتو ممكن بقى نطلع
وقف رامز بضيق وهو مستنى سيرين
مال خالد عليه بهمس : رامز لم الدور وبلاش مشاكل
ضغط رامز على شفايفه بقهر : حاضر
طلعت سيرين وهى ماسكه أيد عبد العزيز بتوتر
قرب عبد العزيز من رامز وهو بيديه سيرين : مش هوصيك على سيرين يابنى حطها فى عنيك
اصطنع رامز الابتسامه وهو بيمسك أيد سيرين : اكيد ياعمى
قعد رامز وسيرين فى الكوشه
أبتسم رامز بسخرية وهو بيتأمل سيرين بضيق: شكلك مسدقه دور العروسه
سكتت سيرين بضيق وهى بتبعد نظرها عنه
أبتسم عبد العزيز بحنان وهو مركز نظره على محمد : روح يا بنى روح مراتك السهر والزحمه مش كويسين علشانها خصوصاً في أول شهور الحمل
أبتسم محمد : حاضر نفضل شويه بس واخليها ترجع البيت مع رنا
ضحك عبدالعزيز بقوه : وهى رنا تعرف تاخد بالها من ندى روح يابنى روح مراتك
ضحك محمد بحرج : بس ياعمى مينفعش امشى واسيبك
قاطعه عبد العزيز وهو بيضغط على كتفه بحنان : يابنى أنت فضلت معايا كتير بس علشان مراتك روح روح
أبتسم محمد وهو بيحرك رأسه بالموافقه
ركزت رنا نظرها عليه وهى بتضحك بمرح : خير ياطير ايه الجابك عندنا
أنت تقرأ
لقد جمعهما القدر
Romantizmقابلته صدفه عندما أرادت أن تنقذ صديقتها من ورطتها فتحول كرهها له لحب وتحولت الصدفه لقدر يجمعهما
