Tula ng Buhay at Pag-ibig #Wattys2016

Pagkagiliw

Binata;

Hilig ko ang magsulat

Magsulat ng mga kathang hindi hango sa aklat

Mga kathang namimilantik

At wala ng patumpik-tumpik.

Marunong din akong maglaro

Badminton nga lang ang isports ko

Pero kung aayain niyong mag-scrabble tayo

Hindi kita uurungan pagdating sa bokabularyo.

Nakasanayan ko naman ang pagkanta

Ang aking ama ang nagturo sa akin nung umpisa

Kahit sintodo noong una

Napatunayan ko namang ako ay may ibubuga.

Masakit nga lang isiping ang nakahiligan kong huli

Ay sadyang napaka-memorable lagi

Kahit wala na ang aking amang laging nakangiti

Kapag ako'y kumakanta kasiyahan niya'y di mo maikukubli.