Tula ng Buhay at Pag-ibig #Wattys2016

Karangyaan

Dalaga:

Marami nga kaming kayamanan

Lahat ng gusto ko naibibigay sa kahit anong paraan

Dagdag pa rito ang biglaang kasikatan

Akalain mong ako ay mapapansin naman?

Kapag ako'y naglalakad lahat sa aki'y nakatingin

Inggit na inggit sa mga tindig kong in na in.

Mga babaeng tulad ko napapanganga sa akin

Mga lalaki naman kabigha-bighani ako sa kanilang paningin.

Lahat ng bagay kaya kong bilhin

Lahat ng wala ang mahihirap nasa sa akin

Kulang na lang dugong bughaw ako kung tawagin

Sobrang yaman daw kasi ng pamilya namin.

Pero bakit ganun hindi ako masaya?

Hindi ko ramdam na hindi ako nag-iisa.

Parang may kulang na aking lubhang ikinababahala.

Sana matulungan ako ng Poong Maylikha.