Tula ng Buhay at Pag-ibig #Wattys2016

Pagkakataon

Binata:

Isang buwan na rin pala ang nakakaraan

Simula nang ako'y mahumaling sa isang kagandahan

Isang dalagang sa tingin ko'y anak mayaman

Dahil napakagara ang kanyang sasakyan.

Naisip kong tuluyan ko na kaya siyang kalimutan

Upang hindi na magulo ang aking isipan

Pero bakit lagi-lagi na lang napapangiti na naman ako ng di inaasahan

Ganoon ba talaga ang epekto kapag unang pag-ibig ang iyong kinakalaban?

Dahil wala akong pasok, kargador na naman ako

Saan pa eh di sa pier na maraming pasahero

Naghihintay ng taong may ginintuang puso

Para magbigay ng tip o magbayad sa akin sa pagbubuhat ng mga gamit nito.

Nguni't sa hindi inaasahan

Isang pamilyar na kotse ang aking nasilayan

Buwan na nga ata ang nakakaran

Pero sariwa pa rin ang kotseng kanyang sinasakyan.

Nakita kong tumigil ito sa harapan ko?

Anong ibig sabihin nito, kikidnapin ako?

Ng taong pinakahihintay ko?

Kung sakaling siya nga iyon, magpapakidnap na lang ako.

Bumukas ang pintuan at paa pa lang niya ang aking nagisnan

Hanggang unti-unti ko na siyang namumukhaan

Nakaunipormeng katulad ng sa aking paaralan?

Ibig sabihin isa lang ang aming pinapasukan?

Itutuloy...;-)