Tula ng Buhay at Pag-ibig #Wattys2016

Pagkahumaling

Binata:

Pagkatapos ng aking klase

Dumeretso ako sa aking trabaho para magsilbi

Tagabuhat ng mga gamit sa pier ginagawa palagi

Kahit sa kaunting barya hindi naman siguro ako lugi?

Iba-t ibang klaseng gamit ang aking binubuhat

Nagpapaalam sa mga pasaherong sasakay ng barko na ako ang magbuhat

Nang mabawasan naman ang kanilang dala-dalang gamit na kaybigat

Kahit na minsan ramdam ko'y braso ko at kamay ay sugat-sugat.

Habang nakapila bitbit ang mga gamit ng isang pasaherong sa aki'y pinagkatiwala

Nahagip ng aking mga mata isang nilalang ubod ng ganda

Tumigil sandali ang oras at nagtama ang aming mga mata

Habang dahan-dahang umaandar ang sasakyan kung saan ko siya nakikita.

Hindi ko alam kung bakit bigla-bigla

Bumibilis ang tibok ng puso ko wari'y natutuwa

Sa isang babaeng ngayon ko lang nakita

Ano kaya ang pangalan niya?