Tula ng Buhay at Pag-ibig #Wattys2016

Karunungan

Binata:

Mahirap man o mayaman

Matalino man o katamtaman

Bata man o may edad na

Edukasyon ay napakahalaga sa bawa't isa.

Sa tulad kong lumaki sa hirap

Sa tulad kong hindi nakaranas na kumain ng masasarap

Mahalaga sa akin ang karunungang aking pinapangarap

At sa paaralan o unibersidad ko lamang ito makakalap.

Hindi hadlang sa isang tulad ko

Ang mag-aral kahit hindi man matalino

Basta't pinagsisikapan ko

Ang bawat leksyong natututunan ko.

Sapat na sa akin ang makapagtapos

Mahawakan ang isang sertipikong kailanma'y hindi mauubos

Pero sa karapat-dapat lamang ito ibinubuhos

Nang ang tagumpay at hindi kalunos-lunos.

"Mahal kong estudyante

Kayo ay pinagpala ng marami

Mapamayaman man o hindi

Dapat lang na mag-aral kayong mabuti." Ang sabi ng guro namin.

"Ang tagumpay niyo ay tagumpay ng nakararami

Magsumikap kayo at ibahagi

Karunungan niyo'y huwag na huwag itatanggi

Nang ang buong bansa ay katangi-tangi." Ang dagdag niyang sabi.