Tula ng Buhay at Pag-ibig #Wattys2016

Kalungkutan

Patricia:

Simula ng araw na kami ay nagkasagutan

Ng aking amang ako ay pinagbawalan

Na makipagkita sa aking mahal na kasintahan

Nagmukmuk ako sa kuwarto ko isang linggo rin ang nakakaraan.

Masakit para sa akin na hindi siya makita

Ramdam ko ang kalungkutan sa aking mga mata

Dahil wala akong ginawa kundi ang umiyak ng umiyak pa

Hindi dahil sa aking ama kung hindi sa pagkasabik ko sa aking ina.

Naalala ko noon kung gaano kami kasaya

Walang araw kaming namimiss, lahat kami ay sama-sama

Pero lahat ay nabura at nawalang parang bula

Simula ng malaman ng aking mahal na ina na ang aking ama ay may kalaguyong iba.

Kahit kompleto kaming nagsasama

Napakalamig na ng pakikitungo nila sa isa't isa

Lagi kong naririnig na nag-aaway sila

Nagsasagutan at nagbabangayan talaga

Hanggang sa hindi na kinaya ng akin ina, binaril niya ang sarili niyang mag-isa.

May isip na ako noon at naroon ako ng mawala siya ng buhay

Akala ko lang nawalan siya ng malay

Pero nang makita kong duguan ang kanyang mga kamay

Doon na ako umiyak ng walang humpay.