Tula ng Buhay at Pag-ibig #Wattys2016

Di Na Makatulog

Binata:

Bakit sadyang kaylakas ng kabog nitong aking dibdib

Kapag naaalala ko ang babaeng nakita ko sa pier agad akong napapaisip

Napapatulala sandali, makakatulog, mananaginip

Sa mukha ng dalaga'y agad akong napapaidlip.

Tinamaan na ata itong abang puso ko

Sa kauna-unahang pagkakataon ako'y nalilito

Waring nabibiyak ang isip ko

Sa mukha mo't ngiting napapangiti ako.

Dalaga:

Kung pwede lang patigilin itong bumibilis sa dibdib ko

O di kaya'y pagsabihang 'tumigil ka' sa kakatibok mo

Pero bakit kabaligtaran naman sinasabi nito?

Dahil lang ba doon sa binata'y napapangiti na ako?

Pero aaminin ko tumatalon sa tuwa ang puso ko

Hindi ko makalimutan ang araw na tumibok ito

Marami ang nagkakagusto sa akin dahil sikat ako

Pero bakit sa isang tulad niya di ako nakakatulog ng matino?