Tula ng Buhay at Pag-ibig #Wattys2016

Tulala

Dalaga:

Trapiko nga naman sa bansang sinilangan ko

Kailan kaya malulutas ito ng ating gobyerno?

Araw-araw na lang kahit sino napeperwisyo

Kahit mahirap ang estado mo

Mapapamura ka talaga sa sarili mo.

Si Manong drayber lumihis ng daan

Napunta kami sa isang pier sa pantalan

Kahit na sobra akong nababahuan

Wala akong magawa dahil mahuhuli na ako sa klase ko't mapapagalitan.

Dahil hilig kong buksan ang bintana sa kotseng aking sinasakyan

Sinilip ko sa di kalayuan mga bata sa lansangan

Kitang kita mo ang kanilang ngiti ng kasiyahan

Nguni't napako ang paningin ko sa isang binatang guwapong guwapo kong titingnan.

Mas lalo akong natigilan ng magtama ang ang aming paningin

Tumigil ang bawat galaw ng orasan habang akin siyang tinitingnan.

Hindi ko alam kung bakit biglaang pintig ng puso ko'y nawala sa katinuaan

Hindi magkandaugaga sa kalandian???