💙 Troublemaker 💙

💙 12 💙

💙💙💙💙💙💙💙💙💙💙💙💙💙💙💙💙

Jane ဖုန်းချသွားပြီးတော့မှ ဘယ်အချိန်လဲ ဌာနက ဘယ်နားမှာလဲ မမေးလိုက်မိတဲ့အတွက် Lisa ကိုယ့်ကိုကိုယ် စိတ်တိုသွားမိသည်။

ဒီကနေ့ ပိတ်ရက်မှာ သူ အိမ်မှာ နားမနေနိုင်တော့ပဲ ထိုကလေးမဆီသွားဖို့ မနက်စောစော ထက Uni သို့ ထွက်လာခဲ့လိုက်ရတော့သည်။

အချိန်တွေတော့ ကုန်ပါပီ။ နားရက်လေးမှာ။ ဒါတွေ အားလုံး Chae ဆတ်ဆော့လို့ ဖြစ်ရသည့်ကိစ္စ။ အခုဆို အလုပ်က လုပ်ဖော်ကိုင်ဖက်တွေက အစ Jennie Heart က စားပွဲထိုးကောင်မလေးနှင့် သူ့ကို ဘာလိုလိုထင်ပြီး စ ချင်လာကြသည်။

ဒီလို ကလေး ပိစိလေးနှင့် အစ ခံရတာ ရှက်စရာကောင်းလှသည်။ ဘာပဲဖြစ်ဖြစ် ဒီနေ့ စိန်လော့ကက် ကို ကောင်မလေး လိုလိုချင်ချင် ပြန်ပေးအောင် ကြိုးစားရမည်။ ဒါဆို သူလည်း ထိုကောင်မလေး ကို မျက်​ခြေမပြတ် စောင့်ကြည့်နေစရာမလို ။

ကျောင်းထဲရောက်တော့ ဟိုမေးဒီမေးနှင့် သူမှာ အခက်တွေ့နေရသည်။ Practical တွေ လုပ်သည့်နေရာဆိုပြီးသာ မေးမြန်းလာလိုက်ရသည်။ ထိုကောင်မလေးကို အရိပ်အယောင်မျှပင် မတွေ့။ သူလည်း ထို Practical လုပ်သည့်အဆောက်အဦးရှေ့၌ ကားထိုးလိုက်ကာ ကားထဲပဲ ဝင်ထိုင်နေလိုက်​တော့သည်။ တော်တော် ဒုက္ခပေးတဲ့ ကောင်မလေး ၊ တစ်ကယ်ဆို ပြည့်ပြည့်စုံစုံ ပြောသွားပါလား ။

💙💙💙💙💙💙💙💙💙💙💙💙💙💙💙💙

Jen မနက်စောစောထပြီး ပြင်ဆင်သင့်တာကို ပြင်ဆင်နေ၏။ Yuri Unnie ၏ mascara နှင့် မျက်တောင်ကော့ပြီး မျက်တောင်ကို တဖျတ်ဖျတ် ခတ်လိုက်သည်။ mascara ဆေးစက်လေးတွေက အောက်မျက်ခမ်းတွင် စွန်းပေသွားသည်။ Jen သည် ပေါင်ဒါရိုက်သည့် pad လေးနှင့် ထို အမည်းစက်တွေကို အောက်မျက်ခမ်းတစ်လျှောက် ညီအောင် ဆွဲပွတ်လိုက်သည်။

Jen မျက်နှာသည် ချက်ခြင်းပင် မျက်ကွင်းညိုနေသော လူမမာရုပ်ပေါက်သွားလေ၏ ။ မျက်ကွင်းက သိသိသာသာကြီး မည်းနေတာမို့ Jen သူ့မျက်နှာတစ်ခုလုံးကို ပေါင်ဒါလေးကို ခပ်ပါးပါးလေး ဖို့လိုက်သည်။ ပြီးတော့ နှစ်ခြိုက်စွာ ပြုံးလိုက်ရင်း သူမ၏ မှန်ထဲက လူမမာပုံစံမျက်နှာကို ကြည့်လိုက်သည်။