نجمة الشمال (الجزء الأول من لعنة عبر العصور) بقلم :منة الله عماد

البارت 16

كارثه ان يجتمع عقل ناضج وقلب عاطفي في جسد واحد ..... دوستويفسكي

ارتفع صوت صراخ منه من الحديقه ولم يكن صراخها فقط بل صراخ روحها التي تمزقت من فعلت من ظنت عوضآ لها 
اسد وهو يمسكها من معصمها بقوه :ليه يا منه ليه
.....جاك مات بسببك جاك الي كلنا عارفين طبته وبرأته خدعتيه وانتحر بسببك انت ايه يا شيخه 

منه ببكاء وهي تنظر له نظرة رجاء وضعف :مكنش قصدي هفهمك ارجوك اسمعني

اسد:هتفهميني ايه ان البنت الي بحبها وعملت كل حاجه علشانها عباره عن شيطانه ..ثم يضغط على معصمها بقوه جعلتها تصرخ وتنهمر دموعها ...اذيت اختي واقرب الناس ليا بسببك

لتأتى مريم على صراخ منه لتجري مسرعه تبعد اخاها عنها قبل ان يفعل شيئا قد يندم عليه  ،هذا اللعين لا يفكر بعقله ياله من طائش متهور

مريم وهي تحاول سحبه بعيدا مستخدمة كامل قوتها :اسد بتعمل ايه ابعد هتودي نفسك في داهيه ،سيب البنت

اسد بصراخ:انا عمري ما مديت ايدي على بنت ويوم معملتها  مديتها على اختي وياريت ايدي كانت اتقطعت قبلها وعملت كده في اختي ليه علشان ادافع عن وحده زيك روحي منك لله
..ابعدي غوري من وشي

مريم بفزع من هيئته :اسد في ايه اهدى ..تعالى يا منه أأ

اسد وهو يسحب اخته:ابعدي عنها وتقطعي علاقتك بيها حالا ...وانتي برررره مشوفش وشك ثاني بررره

منه ببكاء :اسد ارجوك

اسد :غوري من وشي

لتركض منه من امامه وهي منهارة من البكاء كيف يفعل بها هذا ،
ليأتي يوسف الذي شاهد الاسطوانه قبلها وفهم كل شئ ليسحب ابنه الى احضانه...وما لبث حتى اخرجه من احضانه لاطما اياه على وجهه بعنف
:دي علشان مديت ايدك على اختك ومحترمتش اختك وإلا إحترمتني  ،ليكمل بقوه ....مفيش حاجه في البيت ده اسمها نعلي صوتنا على بعض لأ ووصلت إننا نضرب بعض كمان انا ربيتك على كده

نفى اسد بندم  فوالده محق كيف جرؤ ان يفعلها ،وهو رباهم على الحب والمودة بينهم

:بابا ...ملك ..اختى ..كان يتحدث بتقطع من بين شهقاته تحول إلى طفل صغير يشعر بالذنب طالما كانت ملك الأحب إلى قلبه شقيقته الحبيبه ارادت ابعاده عن الاذى وماذا يفعل ليرد لها جميلها يضربها ويحزنها ،ياله من احمق هو يستحق هذا وبشده

يوسف بألم لما حدث لاسرته: هنلاقيها يا اسد ان شاء الله وهتكون بخير  ...ثم يرفع رأسه للسماء وهو يهمس... يارب

((مهما بلغت اخطائك في الحياة يا صغيري فأنت لا تستحق السوء والأذى لا احد يستحقهما ،كفانا هرءآ ولهوا ولننظر خلفنا إلى ما ارتكبنا من اخطاء ولنصلحها قبل فوات الأوان ))
        بقلمي :منه الله عماد