الليله صار عرسهم واخذها للبيت والكل استغرب ان عبدالله وهند كانت حالتهم صعبه وفجأه العرس في افخم قصر وفساتينهم ومكياجهم والحلا والكل كان يهرج عنه...
في سيارته السوداء والفخمه والكل يهرج عن زوجها عرض وطول وجمال وحرفياً بنات جماعتهم حاسدين رغد على نصيبه لانهم مايدرون عن الفلوس ذي من وين تجي...
كان بس يناظر رغد وابتسامته مو مفارقته...
راح لبيته وكان بيت ملك مو شقه او شي ثاني...
نزلوا وساعدها تنزل ودخلوا البيت راحت رغد وفتحت شنطتها وشافت بجامتين وحده خواتها قالوا لها تلبسها و وحده عادي اخذت العاديه ودخلت الحمام تبدل ونزلت فستانها وطلعت فيه...
دخل الثاني وكان معه قارورة مويه وبدل ولبس شورت وبلوزه...
ناظرها وهو يشرب مويته ويده الثانيه في جيبه وكان داري انه كذا يوترها٫
فتحت الدولاب وكانت المعاليق مرفوعه فوق وهي قصيره ولا شافتهم...
"المعاليق فوق"
علمها ولما شافتهم درت انها ماراح تلحقها وعلطول جاء الثاني من وراها ونزل لها ثنين عشان الفستان وعلقته بدولاب...
"طيب مافيه شكراً؟"
ساءلها وطنشته لانها كاره نفسها واخذت مخدتها وراحت على الكنبه الي قدام السرير وحطت مخدتها عليها...
"هذا لي او لكِ؟"
"تبي تنام على الكنبه؟"
"ايش قلتي؟...كنبه"
ضحك بهدوء على كلمتها لما قالت كنبه وكأنها نبرة طفل مو كبرها...حس انها مو عاجبها انه يطقطق عليها وبنفس الوقت خايفه منه وسكت...
"اسف...خلاص انا بنام على الكنب روحي نامي على السرير"
مد يده على المخده وهي بعدت يدها رغم ان يدينهم مو عند بعض بس هي مثل انها خايفه منه بس ماتبي توريه خوفها الي واضح مثل الشمس...
راحت تنام على السرير والثاني قعد على الكنب وطلب لهم اكل
"تبين لحم او دجاج؟"
"مو جوعانه"
ردت عليه وابتسم لما سمع صوتها كان وضعه غريب مرره...
طلب همبرجر لحم ودجاج و وصل بسرعه نزل تحت وجابهم وراح لها فوق وجلس بعيد عنها على السرير...
