اشتغل جواله ودخل على الكمرات الي مركبها ودار على وحده وحده وصدفه على الكمره الي عند الدرج وتطل على كل الغرف...
هذا هو ابوه وكان داخل عند رغد الي واقفه قدامه فتح سعود عيونه وهو بالبدايه كان مسترخي بسياره
شوي وتطلع رغد من الغرفه ومعها بنتها بعد ماطعنت ابوه...
شغل سعود السياره ورجع للبيته وكانت البيبان مفتحه...
دخل وراح فوق ولقي ابوه طايح بالغرفه ومحد عنده...
قفل عليه سعود الغرفه واهم شي كان يتنفس...
رجع وماكان بالبيت غير ابو لا رغد ولا بنته ولا حتى اهل سعود...
دق على جوال رغد وكان الجوال في المطبخ...
ضرب سعود الطاوله وكان من داخله يلوم نفسه بكل دقيقه
دق سعود على احمد يعلمه السالفه
احمد:"طيب وش بتسوي!"
سعود:"دق على كل الشباب على الاقل يدورون معي وعطهم صورة إليان وقل السالفه فيها فلوس"
سكر سعود وركب السياره يحاول يشوف اي مكان ممكن تروح له رغد...
راح عند اهلها الي قاموا يدورون معه لانها مو عندهم
ممكن قعد ثلاث ساعات يدور عليها وهو شوي وينهبل...
رجع وقف سيارته لبيته ممكن رجعت وهو مو عارف كيف يفاتح اهلها بالي صار...
سعود:"يارب احميها لو كانت بأخر الرياض يارب احميهم ولله لو يصير فيهم شي مستحيل اسامح نفسي!"
ضرب السياره ونزل منها...
رغم انه مالقاها الا انه للحين يفكر المكان الي بتروح له...
شوي ويمسع صوت خطوات وكان الحي الي فيه سعود هادي غي هذيك الساعه...
لف علطول ولا لقى شي وكانت الاصوات بس في راسه
فرك عيونه وقعد يحك راسه لان مو لازم يستسلم...
"ياربي...يارب بس!"
رفع صوته سعود لانه فقد الامل خلاص هو ممكن يلقاها بس اهلها بيلقونها قبله واكيد بيسألونها وماراح ترجع معه...
شوي وتطلع رغد من وراء بيته رفع سعود راسه من السياره و ولله هذي رغد كانت قدامه...
