{احمد:"سعود انت عارف شقاعد تقول!"
عمر:"الله يستر...مالك سبوعين طالع من سالفه مسلط ويجيك ذا"
احمد:"المشكله كلهم نفس المشكله...كلهم يبون الانتقام!"
..
رغد:"اي ولله اشتقنا لك...البيت غمتهه"
رهف:"عاد عمر كان يبي يسافر شهر عسل بس قلت مكه ونرجع مالي خلق لسفرات"
رغد:"ليش ما رحتوا واستانستوا؟...عاد كيف عمر معك"
رهف:"لا مكه وش فيها حلوه...كيفه معي ولله استحي انه يعاملني كذا احسني ما استحق!"
رغد:"عرفت المعاملة بدون ما تتكلمين وبعدين انتي تستحقين اكثر لا تقولين كذا"
كانوا يتقهوون ورغد ترضع بنتها برضاعه...
عمر:"سعود ولا عليك امر ناد رهف معك ادق عليها ماترد"
سعود:"ليش"
عمر:"الطياره بتطير وهي قاعده تسولف...ماقالت لكم حنا بس بنمركم"
سعود:"لا ولله ماقالت...يلا ثواني"
ناداها سعود وتذكرت رهف وهلطول قامت مسرعه...
عمر:"انا اسف لني مقدر اوقف معك هالمره بس معليك كلها اسبوع وراجع"
سعود:"يا ولد معليك رح استانس لا تخاف...بعدين اقدر اتعامل مع هسالفه بنفسي...يلا استودعتكم الله"
طلع عمر ولحق رهف لسياره...سكر الباب سعود وما امداه يلف لو هذي رغد واقفه وراه بالضبط وبنتها بالمشايه وراها...
سعود:"شفيكم...يمه نفس النظرات سبحان الله"
رغد:"ايش هي السالفه؟...اعترف!"
إليان:"بابا!"
سعود:"لاا!...ماوثقتها شفتي!"
رغد:"اقول لا تضيع السالفه وش هي السالفه الي بتتعامل معها!"
سعود:"طيب تعالي معي"
اخذها سعود معها للمجلس وقعد وقعدها جنبها فتح جواله وعطاه رغد وكان على مقطع...
رغد:"وش؟"
سعود:"شوفي المقطع...رغد هذي وحده من خواتك؟"
شغلت المقطع رغد وكانت مثل الكمره وعلى المجلس...
كانت البنت الي بالمقطع فاتحه درج تحت الدلال حقت سعود واخذت لها حاجه وقامت علطول...
