سعود:"السلام عليكم"
الشرطي:"وعليكم السلام؟"
سعود:"قضية خلـ..."
...:"انت سعود؟؟"
رجعت الحرمه الي كانت طالعه من المركز تسأل سعود...
سعود:"مين انتي؟"
...:"انا؟...انا خالتك!...امش تعال عمك يبي يسلم عليك برا تعال!"
سحبته من المركز وسعود مستغرب منها...بعدت عن المركز و وقف سعود مكانه
سعود:"من انتي ياعمه؟؟"
سلطانه:"انا سلطانه...زوجة مسلط السابقه...انا ادري في الي تعاني منه وعارفه كلشي واقدر اساعدك!"
سعود:"عفواً اختي بس وش الي يثبت لي انك بتساعديني؟؟"
سلطانه:"اعرف مكان الخيمه الي فيها جدتك وبنتك واحمد!"
سعود:"وين مكانهم!"
سلطانه:"بس ماراح اسويها لك كذا!...بشرط!"
سعود:"وش تبين؟"
سلطانه:"ابيك تذبح لي مسلط...ابي اخذ ثأر ولدي!"
سعود:"اول شي عطيني الموقع لأهلي ثم اساعدك"
سلطانه:"شفت المحطهـ..."
شرحت له سلطانه الطريق وكل شي ومكان وحلفت له وقسمت بس كان سعود مو واثق فيها...
سعود:"ابي اروح اتأكد من المكان!"
سلطانه:"ماعندي مشكله...وين سيارتك؟"
اخذها سعود وجلسها ورا وهو قدام راح لطريق وصدق لقى خيمه و واقفين عليها خمسه بنص البر وقبل ينزل لها رفعت سلطانه المسدس...
سلطانه:"ارجع مع طريقك...ان رحت لهم ولله لا اطلق عليك واخليهم يحرقون الخيمه!"
سعود:"نزلي سلاحك"
سلطانه:"ترا ولـ..."
ما كملت كلامها الا لما رفع واحد سلاحه على راسها من ورا...
لف عليها سعود واخذ السلاح بكيس وحطه جنبه ورجعوا مع دربهم...
سعود:"عمر نومها"
نومها عمر بمنديل من فوق النقاب وصدق نامت...
رجع لبيته سعود وكانت قد قامت دخلوها البيت وقعدت بصاله واخذ سعود جوالها بعد ما فتحته...
