"ورع قم رح مكان ثاني مابي اتورط فيك!"
هرب عبدالرحيم من السجن لان كان كل شي ضده وما يقدر يطلع الا بالهروب وهربه واحد من اخوياه...
"طيب معك حبوب!...ولا ماني بطالع"
"عبدالرحيم انا عندي عايله وتركت الامور ذي زمان ماراح ارجع لها الا اني هربتك عشان الدين والحين توكل على الله"
طرده خويه غصباً عنه وعبدالرحيم طلع حتى خويه استغرب انه طلع بدون ازعاج بس من طلعته من البيت بدقايق تجمعت الشرطه على بيت خويه الي اكلها...
كان ناويله على شر و عبدالرحيم حاله خاصه غير انه متعاطي الا انه مريض نفسي...
كان ثوبه صاير اصفر وشوشته وحالته حاله يدور حبوب الا لقى مراهقين قاعدين يتعاطون ونشب لهم ومامعه فلوس...
"تراني ابلغ الشرطه عليكم نزلوهم هنا ورحوا يلا!"
خوفهم وهربوا الاولاد واخذ الحبوب وقعد في مكان الحبوب ويبلع منهم...
..
عبدالرحمن:"يبه وش دراه راكان؟"
عبدالله:"وانا شدراني فيه واحد هنا قاعد ينقل العلوم ولله لو امسكه ما اتركه"
عبدالرحمن:"طيب شصار على عبدالرحيم سمعت انه هرب من السجن الله يستر لا ينكبنا معه!"
عبدالله:"اذا ابوه الله يغفرله متبري منه حنا وش مشغلنا فيه اكيد امك عشان اختها!...اقول تذكر لما شفنا سعود بالسجن مع عبدالرحيم تذكر شقال لنا؟"
("ابوك غلطان و واقف مع الشخص الغلط ما احتاج انا احد يوقف معي بس لو يعرف هو شقاعد يسوي بيندم قد شعر راسه...احد يوقف مع عبدالرحيم؟")
عبدالرحمن:"كان يقول من كلامه نترك عبدالرحيم لانه بيودينا بداهيه ومحد يوقف معه...تصدق عاد يبه مرات احسه صادق سعود يعني رجال متعاطي ومريض نفسي ومع ذالك ندافع عنه وندفع عنه وماطفرنا الا هو"
عبدالله:"تترك ولد خالتك اجل عشان كلام واحد منعرفه والمشكله كلهم متعاطينـ..."
عبدالرحمن:"يبه لا تقارن سعود بعبدالرحيم والفرق واضحح سعود مو متعاطي ورجال يخاف ربه ودايم بالمسجد اما عبدالرحيم الله يصلحه ويهديه"
سكت عبدالله لما عرف انه ولده صادق والفرق بينهم واضح...
..
"اقولك ابو مها تدري شقالت لي مها ولله انصدمت ان اخوك يسويها!"
