_____________________________
"قلة اكل يا اخوي انتبه لبنتك كل شي ناقص لا حديد ونقص في فيتامين دال حاد...وين امها؟"
"ماجات امها عند اهلها بعيده قولي لي"
كان واقف سعود فوق راسها وهي على الكرسي والدكتوره منخلعه من الي شافته وكانت تحسبها بنته بسبب صغر حجمها والفرق بينهم...
"ممكن ماتفهم علي عشان كذا بقولها...اسمعي يابنتي ترا فيتامين دال يؤثر على دورتك الشهريه ويمكن يلعب فيك ويسبب لك عقم او تكيس انتبهي لمصلحـ...إلى آخ"
طول ما تنصحها كان سعود منصدم من الي قدام الدكتوره وبس تهز راسها وتبي النوم مو يم احد...
طلعوا من عند الدكتور يمكن الساعه 12 باليل وكان يبي يصرف الفيتامينات الي صرفتها لها الدكتوره بس هي عيت تبي البيت...
"معقوله كل ذا فيك؟...من متى انتي كذا؟"
"يوه من كنت ورعه عند اهلي ومافيني الا العافيه"
كانت نعسانه مو مدركه للي تقوله...
"طيب ودورتك سمعتي تقول يمكن يجيك عقم!"
"ياخي طول حياتي ودورتي مو منتظمه معي من بلغت ليومك ذا"
مسك الثاني راسه من الي تقوله ورجعوا للبيت...
نزلت من السياره وتقدم سعود يفتح القفل ومالف الا وهي مفصخه عباتها...
فتح لها الباب ودخلت داخل تمشي شوي شوي عشان مايطير النوم وراحت فوق و وراها سعود نزلت اغراضها جنبها على المخده ونست انهم ينامون بنفس السرير وحطت راسها بنت عبدلله ونامت...
"لحول لله"
ضحك واخذ عباتها لفوق الكنب الي بالغرفه ونزل ثوبه ودخل يتروش...
طلع من الحمام بعد مالبس شورت وبلوزه اكمام طويله نفس الالوان ومنشفته على كتفه وقعد على الكرسي الي قدام السرير من جهة رغد...
جفف شعره ورفع راسه لو هذي رغد نايمه قدامه
قام من مكانه ومقدر يمسك نفسه لان من تزوجوا وهو يحاول مايخلي رغد تخاف منه لين الان بدا يكسر الخوف الي داخلها...
حضنها ونام
..
"يمه تخيلي طلعت رغد متزوجه مروج مخدرات ولله عمي طلع مزوجها عشان الفلوس!...بس ها لا تعلمين احد عشان ماتصير مشكله!"
