دق جوال سعود قبل الفجر بشوي وكان صامت بس قام فيه سعود لانه مانام
كان احمد الي يدق ولازم يرد يمكن شي مهم...
كانت رغد نايمه على يده ورفع راسها وسحب يده وعدل جلسته بقعدته على السرير ورد...
"هلا...الحين؟...يلا جاي تقدر تروح"
قام سعود من مكانه وكانت رغد بمكانها نايمه ماحست فيه...
..
(بعد اسبوع)
"حبيبي وراء ماتقعدين بقولك حاجه...ياربي انت ربي"
كان سعود يلاحق رغد من الصباح ورغد مشتغله بالبيت وتقوله تكلم انا اسمعك بأذني مو لازم اقعد قدامك وتسوي الف شغله بنفس الوقت لين راحت الصاله وقعدت تنفضها...
"ولله لو ما تقعدين...فيك فاره انتي!"
"ياحبيبي قاعده اسمعك اهرج ها عندك شغـ..."
ما كملت كلامها الا وسعود يقعدها على الكنب وهو قاعد جنبها
سعود:"انثبري بقولك حاجه لازم تسمعيني!...شوفي انا عندي شغل فا لازم انزلك عند اهلك"
رغد:"ليش طيب اقعد وانتظرك؟"
سعود:"لا راح اطول يمكن شهر او شهرين"
رغد:"بقعد عند اهلي شهر يعني؟"
سعود:"اي تقريباً بس خليك من ذا انا الي ابي اقوله لك هو الصدق مابي اكذب عليك وارجعك لأهلك على امل كاذب"
رغد:"يمه شفيه خفت!"
سعود:"بعد شغلي ذا انا يمكن ارجع يمكن...ما ارجعـ..."
رغد:"ها!!"
سعود:"شوفي انا لازم اروح وان ماراحت ممكن يلحقك الاذى وانتي هنا في بيتي"
رغد:"وش الي سويته عشان تقول ترجع او ماترجع!"
سعود:"قصدك وش الي بعد ماسويته...انا سويت غلطة وكان المفروض اتجنبها بس شفت نفسي فوق ومحد قدي واقدر اسوي الي ابيه بداية زواجنا والحين وقت اني اتحمل الي غلطتي...انا مو خايف اني مرجع انا كل خوفي عليك ابيك تنتبهين لنفسك بقد ماتقدرين"
رغد:"اصبر سعود انا مو فاهمه وش الي قاعد تقوله وبعدين قاعد تستهبل؟...صاحي انت تبيني انتبه لنفسي وقاعد تقولي يمكن ما ارجع شف ولله لو قاعد تمزح علي ولله مـ..."
سعود:"انا مو قاعد امزح بس قاعد اعلمك ومدري الي قاعد اسويه صح او غلط اني علمتك بس ولله اني مو خايف الا عليك واذا ابي ارجع بحاول عشانك...وانتي تعرفين واقوى طموحاتي انك بخير واشوفك حامل"
