بعد الساعه عشر باليل دق باب البيت و ورا الباب مجموعه من الرجال...
سعود:"يلا رايح اشوف الباب"
كان سعود يكلم رغد وراح للباب وفتحه ولقى بوجه رجال كبير ممكن بالخمسين و وراه رجال كثار...
"السلام عليكم"
سعود:"وعليكم السلام...؟"
"عرفتني؟"
سعود:"لا ولله"
"انا مسلط ابو الضحيه خلود"
سعود:"ونعم فيك...كيف اساعدك؟"
مسلط:"انا هنا بتفاهم معك"
سعود:"خير انشالله بوش؟"
مسلط:"حنا مسكنا ابو عيسى الي قلتوا عنه انه هو الي ذابح بنتي ودليل معه...بس انا لازم اخذ ثأر بيدي وجبت ذا معي لانه هو الي بلغ على ابو عيسى!"
اشر مسلط على رجاله يطلعون احمد من بينهم ودرى سعود ان الوضع بيزيد عن حده...
سعود:"طيب يا ابو ثأر وش دخل احمد بسالفه؟"
مسلط:"ذا النذل هو الي جاب الدليل وانا ادري ان لك انت وهو علاقه في بنتي!"
سعود:"اول شي السالفه صار لها خمس سنين محد تحرك وطلع القاتل لضحيه خلود الا الي تقول عنه النذل ثانياً قفلوا القضيه من سنتين وتوك تهرج وتتكلم؟"
مسلط:"انا ما قفلتها عندي!"
سعود:"عاد ذي مشكلتك جعلك ما قفلتها...واذا السالفه عن الثأر تبي تذبح اهلي يعني ولا تبيني اذبح لك احد مافهمت؟"
مسلط:"لا منك انت انت راس البلا انت متفق مع ابو عيسى ذاك انا ادريـ..."
سعود:"ترا اقدر ابلغ عنك بتهديد والفاظك وجاي تقولي ابي اخذ بثأري!"
مسلط:"هه رح بلغ من بيصدقك"
تقدم سعود لها وطلع من داخل بيتها لين وقف قدام مسلط تماماً وقعد ينفض عن كتفه
سعود:"مثل ما طلعت دليل لضحيه خلود اقدر ادخلك السجن...لا تنسى مكانتي اعلى من مكانتك...المثل يقول مد رجولك على قد؟"
احمد:"لحافك...وما نذل الا انت فكني!"
فكوا احمد الي تقدم جنب سعود...
سعود:"والحين رح وخذ معك ثيرانك"
طلع مسلط وهو يتحلف فيه...
