سعود:"احمد..ادخل السياره طيب!..احمد ادخل السياره!!!..احـ..."
ادرك سعود كلشي لكن في وقت متأخر ولما انصاب احمد من قناص محترف..
اخترقت الرصاصه قلب احمد وطاح بمكانه وقاطع سعود وهو يحاول يساعده..
..
دق احمد وقامت رغد من عنده ورد سعود عليه...
سعود:*ياهلا*
احمد:*كيفك؟*
سعود:*الحمدلله بخير وانت؟*
احمد:*بخير دامك بخير..اقول شخبار الاهل وإليان؟*
سعود:*الحمدلله كلنا بخير..عندك شي ولا تبي تطلب شي؟"
ضحك سعود اخرشي وكأنه كشف احمد الي ضحك معه..
احمد:*ابد ولله ابي سلامتك بس كنت بقولك بكره وش بتسوي اول شي؟"
سعود:*ولله ها بمر الشركه وبعده برجع للبيت*
احمد:*انا بمر الشركه عنك وانت خلك بالبيت منزمان عن اهلك*
سعود:*لا اجل نمرها مع بعض لاني احتاجك بشغل اصلاً"
احمد:*اقول انا بمرها عنك علمني شغلي بالجوال*
سعود:*احمد عندك شي؟..شركتي وبروح لها تبي تجي حياك الله*
قفل سعود من عند احمد وتغير وجهه تماماً بعد ماسكر من عند احمد...
تعوذ من الشيطان على الافكار الي جاته وقام ينام..
..
ومن الصباح كانت رغد وسعود وإليان قايمين مع سعود وصار ذا نظامهم..
رغد:"سعود"
نادت رغد سعود قبل يطلع وكانت واقفه قدامه وقربت منه
سعود:"هلا؟"
رغد:"صاير شي؟"
سعود:"لا ليش؟"
رغد:"لا سلامتك..انتبه لنفسك تمام؟"
ردت عليه رغد وهي خايفه عليه..ابتسم سعود وحضن رغد وطلع بعدها وراحت رغد تفطر بنتها..
..
وصل سعود الشركه وقعد بسياره وقت طويل وكان ينتظر سيارة احمد لانه طلع بدري مره وهم بالعاده تسع شغلهم وسعود كان هناك ثمان..
