حنين:"يعني الحين الي صدمكم كان يبي تموتون!"
رغد:"امم...يعني"
حنين:"اسفه يارغد بس لو اني بدالك انفصل عنه مو معقوله كذا!...بهالسهوله تجي ناس زي كذا مهبل وتذبحني عشاني بس زوجته!...بكره يدخلون عليك في بيتك ويهددونكم في إليان!"
هو اصلاً مسلط هدد سعود في بنته وخويه وامه بس سكتت رغد واكيد مو قايله لها انتي صادقه وقد اخطفوا بنتي...
رغد:"لا ياحنبن هو مو بكيفه الي قاعد يصير وده يحطنا بدال عيونه وكل يوم حتى مايقدر يطلع استراحه او شي خايف علينا واجيه انا اقوله بنفصل عنك عشان حياتي انا وبنتي؟...بدال ما اوقف معه كلامك ابداً مو منطقي"
حنين:"ولله يارغد اني قلت هالكلام خايفه عليك وبعدين انا مدري ليه استغربت بنهايه هو مروج مخدرات اكيد بيصير معه كذا...المهم انتبهي لنفسك وانا اختك"
نزلت حنين من عند رغد راجعه لصاله...
وقفت رغد بمكانها ماتدري اذا اختها قاصده او لا بس المشكله انها تتكلم عنه كذا وهي في بيته وتاكل من حلاله...
رغد:"الله يعين"
نزلت رغد وراحت لمها وكانت بالمطبخ...
رغد:"يمه وش تسوين؟"
هند:"نطبخ عشاء"
رغد:"لا يمه انا بطلب عشاء لا تتعبين نفسك"
هند:"ولله لو تطلبين ماتلومين الا نفسك!"
رغد:"يمه طيب شفيك عصبتي ماراح اطلب"
هند:"طيب وش تبون عشاء؟"
رغد:"خل نسوي صينية مكرونه"
هند:"عندك اغراضها؟"
رغد:"اي اليوم كنت بسويها غداء بس إليان تعبتني وماسويتها"
راحت رغد وامها يطبخون الا وحنان جايبه إليان تبكي وبنص الطبخه...
رغد:"شفيها؟"
حنان:"مدري ولله كنت العب معها وفجأه قعدت تبكي"
رغد:"خلاص يا ماما...إليان...حبيبي"
سكتت إليان وراحت رغد ترضعها وحنان كملت العشاء مع امها...
كانت حنين تكلم زوجها بالحوش ودخلت لصاله...
حنين:"ماشالله يارغد مريت اولا قسم الرجال ولله بيتك جميل جداً"
