كانت رغد ومع عايلتها وحنين وحتى عبدالرحمن موجود وابتهال بعد جتهم فجأه...
مجتمعين بصاله بعد صلاة الظهر وعبدالله قاعد يتفرج على الاخبار...
حنان:"ولله بطنك مغطيك متى تولودين؟"
رغد:"يارب تولد اليوم!"
دعت رغد وكلهم قالوا امين وقعدوا يضحكون
عبدالله:"اص اصص الله يستر"
كان ابوهم قاعد يشوف الاخبار وكان على مبنى عبدالرحيم وكيف الناس مذبحه
انقرفت رغد علطول من الشكل...
*حادثه قتل ومخدرات حدثت صباح اليوم و وجدوا العديد من المخدرات المخبئه داخل المبنى ومجموعه من الصبيان من تلك المنظمه واعمارهم لم تتعدا الـ 18 والذي قد هربوا وبلغوا الشرطه...كما قد امسك رجلين في مسرح الجريمه وجاري التحقيق معهما*
كانت المذيعه تتكلم والكل منصت...
خافت رغد وتوترت بس حاولت ماتوضح هالشي...
*الحادثه في مبنى تاجر المخدرات عبدالرحيم...*
نطقت المذيعه اسم عبدالرحيم وانصدمت هند لان لها صلة قرابه من عبدالرحيم
ابتهال:"يمه هذا مو عبدالرحيم ولد خالتي!"
حنين:"شقاعده تقولين انتي!...عبدالرحيم بزر وش يجيبه للمخدرات"
عبدالرحمن:"رغد ماقالك سعود عن عبدالرحيم شي؟...ذبحو ابوه ويبي ينتقم او شي كذا؟"
عبدالله:"انت تبي تدخل سعود السجن!"
عبدالرحمن:"لا يبه عشان نضمن سلاماته!...اذكر عبدالرحيم قط تكلم عند سعود!"
عبدالله:"ها يارغد ماقالك شي سعود؟"
سألها ابوها والكل قعد يناظرها ينتظر منها جواب
رغد:"...لا"
عبدالرحمن:"يبه خل نروح المركز يمكن نلقاهم هناك!"
عبدالله:"هند معليك بنطلع ولد اختك بس انتي خلي محمد يوديك عند اختك تطمنيها!"
محمد:"لا يبه ابي اروح معكم للمركز يوديها السواق!"
عبدالله:"اقول انا قلت ودها اترك عنك العناد!"
راح ابوه وقعد محمد عند خواته وامه...
فتحت رغد جوالها وكانت الساعه 2:22 الظهر ورجعت قفلته واختارت تروح تهدي امها...
