عبدالله:"انا غلطت في حقك وحق سعود ولله اتمنى تسامحوني...كنت خايف عليك ولا قصدي شي"
رغد:"معليك يبه حنا مسامحينك ومبايحينك"
عبدالله:"الله يخليكم لبعض ولله ويخلي بنيتكم لكم"
رغد:"امين ويخليك لي"
طلعت رغد من البيت وكان سعود ينتظرها بسياره...
ركبت رغد وكان سعود يركب بنته في مقعدها وراها...
سعود:"يلا حيه...كيفك وكيف إليان؟"
رغد:"بخير اذا انت بخير...وتراني اخذت إليان امس لدكتور وبنتك مافيها الا العافيه بس فتحه صغيره وتتسكر بإذن الله"
سعود:"الله يبشرك بالخير...ها يا بابا بس روعتينا"
لف على بنته وراء يكلمها وبعده حرك...
سعود:"شرايكم نتغداء برا؟"
رغد:"لا ولله ابي البيت"
سعود:"افا وراه؟"
رغد:"مالي نفس ولله"
سعود:"الي تشوفينه"
رجع سعود للبيت ونزلت رغد مع بنتها ونزل سعود وهم اصلاً ما اخذوا لا ملابس ولا شي وعلى لبسهم...
سعود:"شفيك؟"
سأل سعود رغد لما وقفت في مكانها شوي وهي وقفتها مافيها شي بس سعود لانه حاس ان رغد فيها شي...
رغد:"مافيني شي"
جاوبته رغد وراحت فوق مع بنتها يبدلون لبسهم وتحمم بنتها...
اخذ من وقتها ساعه وعليها واذن المغرب ولأنها طلعت من عند اهلها العصر...
خلصت من بنتها الي نامت بعد ما روشتها ودخلت رغد تتروش وطلعت وصلت المغرب...
قعدت على سجادتها شوي والا وهذا سعود داخل...
تقدم سعود وقعد قدامها على السرير وهي على الارض...
"شعندك؟"
سألته رغد وهي تبتسم بصوت هادي وكان البيت حرفياً هادي تماماً...
"ماعندي شي...تراني ملاحظ هدوئك رغد اذا فيك شي قولي لي لا تخليني كذا"
سكتت رغد بعد كلامه ذا ونزلت راسها...نزل سعود عندها ومسك يدها يناظرها ينتظر تطلع الي داخلها
