" အိုး...သူက လူပုံစံဖန်ဆင်းထားတာပဲ။သူ့ရဲ့အမြုတေစွမ်းအားက အတော်ကောင်းနေပြီ။"
" ဟုတ်တယ်။ သူ့ရဲ့ အမြုတေစွမ်းအားက ပိုအားကောင်းလာတယ်"
သူတို့ဖမ်းဖို့ကြိုးစားနေတဲ့ လူပုံစံဖန်ဆင်းထားသော သားရဲကောင်ကြီးရှိရာ နန်းတော်ကြီးထဲရှိ အဆောင်တစ်ခုအား တဖက် မနီးမဝေးတွင်ရှိသောအဆောင်၏အမိုးပေါ်တွင်ထိုင်နေကာ အကဲခတ်နေကြသည်။ နျူးက ထိုမိဖုရားအသွင်အဆောင်အယောင်တို့ဖြင့် တလတ်လတ်ထနေသည့်နှယ် တောက်ပြောင်ကာလှပနေသော ထိုလူသားမိန်းမကိုကြည့်ကာ သူ၏အကြည့်က မခွာနိုင်ဖြစ်နေ၏။
" သူက လှတယ်။ "
နျူး၏မျက်ဝန်းတို့က တောက်ပလွန်းနေကာ ထိုအမျိုးသမီးကို မျက်တောင်မခပ်တမ်းကြည့်နေ၏။
" မကြည့်နဲ့တော့...."
ယွင်းရန်က စိတ်ရှုပ်လာသည့်အမူအရာဖြင့် နျူး၏မျက်ဝန်းများကို သူ၏လက်ဖဝါးပြင်ကျယ်ကြီးဖြင့်ကာလိုက်ရင်း မြင်ကွင်းကိုပိတ်ဆို့သည်။ နျူးက သူ၏လက်ကိုချက်ချင်းပြန်ပုတ်ထုတ်လိုက်၏။ ယွင်းရန်က နျူးကိုကြည့်ရင်း
" ငါပြောတာကိုသိတယ်မလား။ သေမျိုးတွေနေရာမှာ ပြဿနာရှာတာမျိုးမလုပ်ချင်လို့...ငါတို့အတတ်နိုင်ဆုံး သူ့ကိုအေးဆေးခေါ်ထုတ်မှရမယ်။ ဒီမှာပြဿနာတတ်ရင် ရှင်းရပိုခတ်တယ်။ "
" ဘယ်လိုလုပ်မလို့လဲ။"
" တောအုပ်ထဲကို မျှားခေါ်တာမျိုး....အာ...ဒါပေမဲ့....ဒီဟာက ဒုတိယအစီအစဥ်နော်။ ငါမင်းကိုခေါ်လာတာ သူနဲ့ညှိဖို့လေ။ "
" ဒါဆို...နျူးသွားလိုက်မယ်..."
နျူးက ချက်ချင်းပင်အောက်သိူ့ခုန်ဆင်းသွားလိုက်လေတော့သည်။ ယွင်းရန်ကလှမ်းတားဖို့ပြင်လိုက်သော်လည်း သူ့နောက်မှ အရိပ်တစ်ခုကြောင့် သူအလုပ်ရှုပ်သွားသည်။ ထိုသူက သူ့ကိုဂါရဝပြုလေ၏။
" အရှင်...."
" ဘာတွေသိရပြီလဲ။ "
တိဟွက သူ့ကိုဂါရဝပြုလိုက်ပြီးတဲ့နောက် ကိုယ်ကိုပြန်မက်ကာဖြေသည်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......