"လောင်ရဲ့....လောင်ရဲ့....."
"ဘာဖြစ်လို့လဲ နျူး။ဘယ်နေရာက ဘာဖြစ်ပြန်လို့လဲ။"
နှင်းတစ်မျှဖြူဖွေးလွန်းတဲ့အသားအရေနှင့် ကောင်ငယ်လေးတစ်ယောက်၊ဆံနွယ် ဖြူတွေဟာ ကျောပြင်ထက်မှ ရှည်လျားစွာဖားလျားကျဆင်းနေကြပြီး ဝတ်ဆင်ထားသော ဝတ်ရုံဖြူ၏အောက်ခြေနားသည်က အနည်းငယ်ညစ်ပေးနေသည်။
မျက်ခုံးနှစ်ခုကြားနေရာယူကာထားသော နှင်းပွင့်ချပ်သဏ္ဍာန်အမှတ်အသားလေးသည် တောက်ပကာ တစ်လတ်လတ်ထနေလေ၏။ဤသည်က နျူး၏ ပျော်ရွှင်နေသည့်စိတ်ခံစားချက်အမှတ်အသားပင်။သူ၏စိတ်အခြေအနေအား ထိုနှဖူးထက်ရှိ နှင်းပွင့်ချပ်လေးကိုကြည့်လျှင် သိနိုင်သည်။ ဝမ်းနည်းနေလျှင် နှင်းပွင့်ချပ်လေးသည်အရောင်မှိန်နေတတ်၏။
နျူးကအမြဲတစေ လွတ်လပ်စွာနေလေ့ရှိသည် ။ သူ့ထံ၌မည်သို့သော အတားအဆီးအခက်အခဲမျရှိပုံမပေါ်ချေ။လောင်ရဲ့က ထိုနှဖူးထက်ရှိ အမှတ်ကလေးအား တစ်ချက်ကြည့်လိုက်ပြီး တောက်ပနေသည်ကိုမြင်ကာမှ သက်သာရာရလိုက်သည်။
နျူးက သူ၏ လက်ထဲတွင်ကိုင်လာသော ပစ္စည်း တစ်ခုအားလောင်ရဲ့ ကိုပြလိုက်ပြီး
"ဒီမှာကြည့်ပါအုန်း။နျူး ဒါလေးကိုမက်မွန်တောထဲက တွေ့လာတာ။
လှတယ်မလား။လှတယ်မလား။"
မက်မွန်ပန်းပွင့်တစ်ပွင်သည် ပန်းနုရောင်နှင့် အလည်ဝတ်ဆံနားတွင် အနီရင့်ရောင်စီခြယ်ထားသော ပုံစံဖြစ်၏။ သို့သော်ထို အပွင့်လေးသည်က စင်စစ် မက်မွန်ပန်းပွင့်ကဲ့သို့ ပျက်စီးလွယ်သည့် ၊ ပျော့ပြောင်းနေသည့် မက်မွန်ပန်းပွင့်လေးတော့ မဟုတ်နိုင်ချေ။လောင်ရဲ့က နျူးလက်ထဲတွင်
ကိုင်ထားသော ပစ္စည်းလေးအားတစ်ချက်ကြည့်လိုက်သည်။နျူးတစ်ယောက် ဖန်ဆင်းခြင်းခံရသည်မှာနှစ်၅၀၀ပင် မပြည့်သေးချေ။ သိူ့သော်လည်း ကောင်းကင်ဘုံရှိ အခြားနတ်ဘုရားများနှသ့်စာလျင် သူ၏အပြုအမူများက အနည်းငယ်တော့ ထူးဆန်းနေတတ်သည်။အနှစ်တစ်သောင်းတွင်သာတစ်ခါ ကျသည့်ကောင်းကင်ယံမြူနှင်းတို့ထဲမှနှင်းပွင့် တစ်ချပ်မှ နျူးအားဖန်ဆင်းခဲ့ခြင်းပင်။ထို့ကြောင့် ဤကိစ္စနှင့် ပတ်သတ်၍ မည်သူ့ထံတွင်မှ တာဝန်မရှိသလို မည်သူကမျှလည်းအရေးစိုက်လိမ့်မည်မဟုတ်။ အနည်းဆုံးတော့ နျူးဟာ နတ်ဘုရားအရာမမြောက်သေးသော နတ်သူငယ်လေးတစ်ယောက်ပင်ဖြစ်ချေ၏။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......