Unicode
" ကျုပ်ကို အခုလွှတ်ပေး...လွှတ်ပေး...!!"
တိဟွသည် ဆံနွယ်များနှင့်ရစ်ပတ်နှောင်ကာထိန်းချုပ်ထားခံနေရသည့်တိုင်အောင် သူ၏ရုန်းကန်မှုက အရှိန်မလျော့သေးချေ။ အစောပိုင်း ကိုယ့်ထိုက်နဲ့ကိုယ့်ကံသာရှိပါစေတော့ဟူသော အတွေးစိတ်တို့က ယခုအချိန်တွင်တော့ ပုန်ကန်မှုကသာ ပိုအားကြီးလာနေပြီး ငယ်သံပါအောင်ပင် အော်ဟစ်နေပါလေတော့သည်။
သူ၏လက်ထဲတွင်လွန့်လူးနေသော တိဟွ၏ကျောပြင်ထက်တွင်ရှိသော ဒေါင်းမွှေးဖြူအမှတ်အား ကိုက်ရန် ပိုင်ယင်းချီသည် သူ၏ပါးစပ်ကိုအသာဟလိုက်၏။ သို့သော် တိဟွ၏အပြုအမူတွေကြောင့် သူ၏ပါးစပ်ကိုအသာပြန်စိလိုက်ပြီး ခေါင်းကိုငုံ့ကာ ပြုံးမိ၏။
ထို့နောက် တိဟွ၏ကျောနှင့် ရှေ့ရင်ဘတ်နားသို့ ထိတွေ့နေသော သူ၏လက်ကိုလွှတ်လိုက်ကာ မြှောက်လျက် အသာဝှေ့ယမ်းလိုက်ရင်း
" လွှတ်ပေးလိုက်!"
"......"
ပိုင်းယင်းချွီ၏ဆံနွယ်များသည် သခင်၏အမိန့်ကိုမလွန်ဆန်နိုင်သည့်နှယ် တိဟွအားချူပ်နှောင်ထားကြရာမှ ဖယ်ခွာသွားကြကာ သာမာန်ဆန်သော ဆံနွယ်များအဖြစ် ပိုင်ယင်းချွီထံတွင် ငြိမ်သက်သွားကြသည်။
တိဟွသည်လည်း မောဟိုက်နေသည့်အလား ကုတင်ပေါ်တွင် ပြန်ထိုင်လျက်အနေအထားဖြင့် ငြိမ်သက်နေပြီး ပိုင်ယင်းချွီကိုကြည့်ကာ မလှုပ်ရဲသေးချေ။ ပိုင်ယင်းချွီကပင် ရှေ့သို့တိုးကာ နောက်ဘက်သို့လျောကျနေသော တိဟွ၏ဝတ်ရုံအား ပြန်ဆွဲတင်ပေးကာ သေချာပြန်ပြုပြင်ပေးလိုက်သည်။
" မင်းဘာမှပြန်သတိမရချင်သေးဘူးဆိုလည်း အဆင်ပြေပါတယ်။
ဒါပေမဲ့ ဒီကရွာသားတွေကိုတော့ မင်းစိတ်ကျေနပ်အောင် လုပ်ပေးမှရမယ်လေ။ ပျက်စီးသွားတဲ့ သူတို့နေရာတွေက သူတို့ရဲ့ သာမန်အားတွေနဲ့ ပြန်တည်ဆောက်ထားရတာ။ မင်းဘယ်လို လျော်ပေးမလဲ။"
" ကျွန်တော် ဘာလုပ်လို့ လုပ်ထားမှန်းတောင်မသိတာ....ဘယ်..ဘယ်လိုလုပ် သိမှာလဲ...
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......