Unicode
" သေပြီ....သူသေပြီ...ဟုတ်လား။ မဖြစ်...မဖြစ်နိုင်....ဘူး.."
" ဟုတ်တယ်။ အနှစ်တထောင်ချုပ်နှောင်မယ်လို့ ဆုံးဖြတ်ခဲ့တာက အန္တာရာယ်ကိုဖိတ်ခေါ်သလိုဖြစ်နိုင်တာမို့ နတ်မင်းတွေနဲ့ဆွေးနွေးပြီး သူမဆန့်ကျင်နိုင်ခင် တခါတည်းအပြတ်ရှင်းလိုက်ကြတာ။"
နျူးက မျက်ရည်တို့ တရစပ်ကျဆင်းလာသော မျက်ဝန်းတို့ဖြင့် ရှန်းဝူပိုင်ကိုကြည့်လာသည်။ ထိုအကြည့်တို့က မုန်းတီးနေသည့်အကြည့်တို့အစား ဝမ်းနည်းပူဆွေးမှုတို့ကြောင့် ခိုကိုးရာမဲ့သွားသည့် သူတယောက်နှယ်ဖြစ်လို့နေပါ၏။ သူသည်ရှန်းဝူပိုင်၏ လက်မောင်းနှစ်ဖက်ရှိဝတ်ရုံစကို တက်နိုင်သလောက် ဆုပ်ကိုင်ရင်း ငိုကြွေးကာ
" မဟုတ်ဘူး သူသေသွားတာ မဖြစ်နိုင်ဘူး။ အမြုတေ အမြုတေစွမ်းအား....အဲ့တာက....အခုထိ....ဒီထဲမှာ....ရှိနေသေးတယ်...အဲ့တာကြောင့်...အဲ့တာကြောင့်..."
ရှန်းဝူပိုင်သည် မနေနိုင်စွာဖြင့် နျူး၏ခေါင်းရှိဆံနွယ်များကို ခပ်ဖြည်းဖြည်းထိကိုင်လာပြီးနောက် သူ၏ရင်ခွင်ထဲသို့ နျူးအားမှီစေကာ ခပ်ဖွဖွပုတ်ပေးသည်။ ထို့နောက် နူးညံသည့်အသံဖြင့်
" အမြုတေထပ်ဝက်ခွဲမျှဝေတာက တဖက်သူကသာ ဆန္ဒရှိရင်သူသေဆုံးသည်ထိတိုင် တဖက်အသက်ရှင်နေသေးသူဆီမှာ ဆက်ပြီး ရှိနေအုန်းမှာ..."
နျူးသည် ရှန်းဝူပိုင်ကိုဆက်ကာ ရန်မတွေ့နိုင်တော့ပဲ သူ၏ရင်ဘတ်ကိုထုရင်း ယွင်းရန်ကိုသေဆုံးသွားပြီဟူသော သတင်းကြောင့်သာ ဝမ်းနည်းပက်လက်ငိုကြွေးနေပါတော့သည်။
.................................................
ရှန်းဝူပိုင်ကို မှီတွယ်ထားလျက်ပင် နျူးသည်အချိန်အတော်ကြာ ငိုကြွေးနေခဲ့သည်။ မျက်နှာတစ်ခုလုံးပင် ရဲရဲနီလျက် မျက်ဝန်းအောက်နားများဆိုလျင် သွေးစတို့ပေကျံနေသလားပင်ထင်ရပါ၏။ သို့သော်လည်း မောပန်းသွားသည့်အချိန်တွင်တော့ ရှန်းဝူပိုင်၏လက်ထဲ၌ပင် အိပ်ပျော်သွားခဲ့ပြီး ရှန်းဝူပိုင်ကပင် မက်မွန်တောသို့ နျူးအားပွေ့ကာ ဂရုတစိုက်နေရာချပေးခဲ့သည်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......