"နျူး!!! ။ သူဘာဖြစ်လာတာလဲ။"
အဆောင်ထဲတွင်ရှိနေသော တိဟွက ယွင်းရနဘေးသို့အမြန် လျှောက်လာပြီးမေးလေသည်။ယွင်းရန်က ချီယွမ်အား ချီထားလျက်ပင်သူ၏အိပ်ဆောင်အတွင်းသို့ဝင်လာခဲ့သည်။ တိဟွ၏အမေးကြောင့် သူ၏ ရင်ခွင်ထဲတွင်အိပ်ပျော်နေသော ချီယွမ်ကိုလှမ်းကြည့်လိုက်သည်။ သေရည်၏အရှိန်ကြောင့် ပါးနှစ်ဖက်က ရဲရဲနီကာနေ၏။ ပြီးမှ သူ၏ ကုတင်ပေါ်တွင်ပစ်ချကာ
"အိပ်ပျော်နေတာ။"
ချီယွမ်က ယွင်းရန်ပစ်ချလိုက်သည့်ပုံစံအတိုင်းပင် ကုတင်ပေါ်၌မလှုပ်မယှက်အိပ်ပျော်နေ၏။ယွင်းရန်က တိဟွ ဘက်သို့ပြန်လှည့်လိုက်ပြီး
"မင်္ဂလာပွဲရော။ အဆင်ပြေပြေပြီးသွားရဲ့လား။"
တိဟွက ဂါရဝပြုလိုက်ပြီး
"ဟုတ်ကဲ့။ အကုန်အဆင်ပြေပြေနဲ့ပြီးသွားပါတယ်။အခုလောက်ဆို မင်္ဂလာခန်းဆောင်ကိုတောင်ဝင်နေလောက်ပါပြီ။"
"အင်း။ ကောင်းပြီ။"
ယွင်းရန်က အပြင်ဘက်သို့ပြန်ထွက်လာလိုက်သည်။ အဆောင်ကြီး၏ အပြင်ဘက်ထိကို လမ်းလျှောက်လာလိုက်ပြီးနောက် ဝိုင်းစက်စွာလှပနေသော ကောင်းကင်ယံရှိ လမင်းကြီးအား သူမော့ကြည့်မိသည်။
သူ့စိတ်တို့ကအလွန်တရာရှုပ်ထွေးနေပုံပင်။အချိန်အတော်ကြာသည်အထိ သူ ထိုဝိုင်းစက်ကာလှပနေသော လမင်းကြီးကိုငေးကြည့်နေမိဆဲ။
အတော်ကြာမှ သက်ပြင်းရှည်တစ်ခုကိုချလိုက်ပြီးနောက် သူအဆောင်အတွင်းသို့ပြန်ဝင်ရန် တစ်ဖက်သို့လှည့်လိုက်သည်။နောက်ဘက်တွင် ချီယွမ်က အိပ်ချင်မူးတူးဖြစ်နေသောပုံစံဖြင့်ရပ်နေ၏။ မှေးစင်းကာနေသော မျက်ဝန်းတစ်စုံကိုလက်ဖြင့်ပွတ်ကာ အတင်းပြူးထားလျက်ပင် ယွင်းရန်အားကြည့်နေလေ၏။
"အဖိုးကြီး ဒီီမှာ ဘာလုပ်နေတာလဲ။"
ချီယွမ်က တဝါးဝါး သန်းရင်းပင် ယွင်းရန်ကိုမေးလိုက်သည်။ ယွင်းရန်က ချီယွမ်အားတွေ့သည့်တစ်ခဏ၌ သူ၏ လက်တစ်ဖက်အား ရင်ဘတ်တွင် ကပ်ကာ မျက်စိအသာမှိတ်လိုက်သည်။ပြီးမှထိုလက်အားပြန်ချလိုက်ပြီးသူ၏ခါးနောက်ဘက်တွင် ပြန်ကပ်ထားလိုက်သည်။
BINABASA MO ANG
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......