ညတာသည် အလွန်ရှည်လျားလှသည်။ကောင်းကင်ယံရှိ လမင်းကြီးသည် တိမ်ညိုတိမ်မဲတို့၏ဖုံးကွယ်ထားခြင်းကိုခံရသည်မို့ အလင်းရောင်ကိုကောင်းစွာမပေးနိုင်ချေ။ကြယ်တို့၏ မှိန်ပြပြတို့ကမူကောင်းကင်ယံ၏ နေရာအနှံ့တွင် တလက်လက်ထလျက်။
ချီယွမ် လော့လန်၏ ဓားကိုမြဲမြံစွာ ဆုပ်ကိုင်ထားရင်း လော့လန်တို့ညွှန်ပြခဲ့သည့် တောအုပ်ထဲသို့ဝင်လာခဲ့သည်။အချိန်မှာ သန်းခေါင်ယံပင်ရောက်တော့မည်ဖြစ်ကြောင်းကောင်းကင်ယံရှိ ခုနှစ်စင်ကြယ်တို့ကသက်သေပြနေသည်။
ချီယွမ် တော်တော်လျောက်လှမ်းလာပြီးနောက်ပတ်ပတ်လည် မီးတုတ်များကိုယ်စီ ကိုင်ဆောင်ထားသော လူတစ်စုကိုတွေ့လိုက်ရသည်။
လူစုလူဝေးကိုကြည့်ရုံနှင့်ပင် ၅ဝနီးပါးရှိလိမ့်မည်။ချီယွမ်က ခြုံပုတ်တစ်ခုကိုအကာအကွယ်ယူလိုက်ပြီးအခြေအနေကိုအရင်လေ့လာလိုက်သည်။ထိုသူများ၏ရှေ့တွင် လိုဏ်ဂူတစ်ခုရှိ၏။ဒူးထောက်ကာကြိုးတုတ်ထားခြင်းခံရသောယောက်ျား အချို့မှာ ဆယ်ယောက်လောက်ပင်ရှိလိမ့်မည်။ချီယွမ်က ရှောင်ကျူးကိုအလျင်အမြန်ပင် ရှာဖွေလိုက်သည်။
တခြားသူများထက်ထူးခြားသည့်ကိုယ်ခန္တာ ကြောင့် အလယ်နားလောက်တွင်တုန်ယင်နေသော ရှောင်ကျူးကို တွေ့လိုက်ရသည်။ချီယွမ် တိုးဖြော့လှသောအသံဖြင့် ရေရွတ်လိုက်မိသည်။
" ရှောင်ကျူး......."
တခဏကြာတော့ထိုလိုဏ်ဂူအတွင်းမှ ဝတ်ကောင်းစားလှဝတ်ဆင်ထားသော လူတစ်ယောက်ထွက်လာသည်။ချီယွမ်ထိုသူကို ကြည့်လိုက်တော့ ဤသည်က အမတ်ကြီးကျူးပင်။ထိုသူက ဒူးထောက်နေသောသူများကို အထဲသို့ပို့ရန် သူ၏လူများကိုညွှန်ကြားနေပုံရသည်။
ချီယွမ်ချက်ချင်း လိုက်ချင်သော်လည်းဤလူအုပ်အား သူမည်သိူ့မျှ တိုက်ခိုက်နိုင်လိမ့်မည်မဟုတ်။
ထိုလူညွှန်ကြားပြီးနောက်တွင် လူတစ်ချို့သာ အပြင်တွင်နေခိုင်းလိုက်ပြီးနောက် ကျန်သူများကအထဲသို့ဝင်သွားကြသည်။ချီယွမ်က လူနည်းသွားသောကြောင့်ပြင်ပရှိသူများကိုသာ အရင်တိုက်ခိုက်ရန် တဖြည်းဖြည်း တိုးလာလိုက်သည်။မှောင်ရိပ်ကိုခိုကာနောက်ဘက်မှ နေ၍ အစောင့်တစ်ယောက်၏ပါးစပ်ကိုလက်ဖြင့် အမြန်အုပ်လိုက်ပြီးပါလာသော ဓားရှည်ဖြင့် လည်ပင်းအားတိခနဲ ဖြတ်ချလိုက်သည်။
YOU ARE READING
The Deal With A Demon King
Spiritualမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......