LUBABATU

13

LUBABATU

13

Rahma kabir Mrs MG.
Wattpad@rahmakabir

EWF.

_*Last Freepage*_

Pay N200 to 0106956864
Ramatu Muhammad Kabir
Access bank (Diamond). Ko a tura MTN card  09034940106, a tura shaidar biya ta number 09034940106. Dan Allah banda vtu.

Gidan Alhaji Giwa.

Abba ya isa dakinsu Ubaidu abinda be taba yi ba kenan tun auren Ubaidun, ya bude murya yayi sallama da sauri Ubaidu ya fito cike da mamakin ganin Abbansu a side dinsa kafin yayi magana Abba yace ya biyo bayansa. Ba musu ya bishi suka wuce sashin Mami, sun sameta tana sallar walha kanta a kasa tana sujud, sai suka tsaya suna jiran idarwanta, ta jima a sujada kafin ta dago ta zauna zaman tahiya sunyi sa'a raka'ar karshe take, bayan ta sallame sai ta bisu da kallo idanunta sunyi jawur saboda kuka tace cikin dishewar murya.

Wallahi Alhaji ban daukar maka kudi ba kawai dai akwai makarkashiya a cikin wannan lamarin, amma babu komai na bar mutum da Allah.

Nazo nan ba dan mu maida magana ba, sai dan na sanar dake na maida aurenki sannan maganar barin gida babu shi, shiyasa na kira Ubaidu nayi maganar a gabansa domin ya fasa yunkurin barin gidan da yace zai yi, dan haka komai ya wuce batun sauran kudina kuma nabarwa Allah duk wanda ya dauka zai dawo min dasu a ranar kiyama, dan banyafe ba. 

Cewar Abba, yana gama fadar haka ya mike ya fice abinsa suka bi bayansa da kallo, Ubaidu ya girgiza kai.

Mami a gaskiya na gaji da cin kashin da ake miki a gidan nan, ina ganin lokaci yayi da zan daukeki daga gidan nan mu koma wani gurin, in yaso Abba ya rika biyoki can.

Kul naji ka kuma zanen barin gidan nan, tunda shi Alhaji yayi hakuri ya maida aurena ba amfanin mu yafi, kawai ka kara hakuri komai lokaci ne akwai ranar da gaskiya zatayi halinta insha Allah. Yanzu kaje kayi shirin aiki ka tafi Allah yayi maka Albarka.

Ameen Mami, Amma gaskiya…

Nace kabar maganar ya wuce kaje kawai.

Ubaidu ya shanye sauran zancensa ya fice daga dakin zuciyarsa sam babu dadi, yana isa side dinsu ya samu Sarah kwance bisa gado cikin bargo, cike da mamaki ya karasa ciki yana tambayarta.

Diamond lafiya kika kwanta ga kayanmu baki gama gyarawa ba? Ko da yake mun fasa tafiyar Abba ya maida aurensa da Mami yace kar mu tafi, yanzu ma na dawo ne mu maida kayanmu mazauninsu sai na shirya na wuce aiki.

Sarah ta tashi zaune tana cizon lebenta na kasa, can kasan zuciyarta tana jin farin ciki da fasa tafiyarsu, domin dama sam bata so subar gidan saboda Hydar, tace cikin muryar rashin lafiya.

Wlh dazun daka fita jiri naji ya dibeni Allah yasa Ina kusa da gado shine na zauna, daga bisani kuma naji zazzabi ya kamani shiyasa ya kwanta na rufe da bargo.

Ashsha sannu Diamond, Ina ganin tashi ki shirya sai mu fita tare na saukeki asibiti kiga likita, ni saina wuce wajen aiki.

Tace to ta sauko daga gadon shape shape ya gyara kayansu ya maidasu inda suke sai ya sauya kaya dan dama tun dazu sunyi wanka, suka kammala shiri suka fito falo, sun samu babu kowa sai suka wuce abinsu, Ubaidu ya kira Mami a waya ya shaida mata rashin lafiyar Sarah tayi mata Allah ya sauke tare da su dawo lafiya sai suka yi sallama.

Asibiti.

Suna isa Ubaidu ya sauketa ya bata 2k na kidin komawa gida ya wuce, dama tun a hanya ya kira likitansu ya shaida masa zuwan matarsa. Sarah ta shiga ta bada number karamin katinsu aka ciro aka kai dakin likita saita zauna zaman jiran layi ya kawo kanta. Bayan minti asirin da biyar layi yazo kanta ta shiga ta zauna suka gaisa, da yake sun yiwa juna kyakkyawar sani shine likitan gidansu, ya shiga tambayarta abinda ke damunta ta fada masa kana yayi rubuce rubuce ya kira wata nurse ya hadasu yace suje laboratory ayi mata gwajin daya rubuta, sannan a dawo masa da result saiya rubuta mata magani. Sarah tabi bayan nurse din zuwa lab, aka diba jininta ba bata lokaci aka yi Mata gwaje gwajen da likita ya rubuta, suka rubuta komai suka dankawa wannan nurse din sai suka koma wajen likita, nurse ta koma bakin aikinta tabarsu, Likita ya duba sakamon ya rike takardar sai Kara duban abinda ke ciki yake, fuskarsa dauke da mamaki sai dai ya boye hakan dan kar Sarah ta hasko komai, yayi rubuce rubuce ya mika Mata takardar da zata siya magani ta amsa tana cewa.