"ဆရာ ဆရာမဒေါ်သန်းမေ က နေ့လည်စာစားဖို့ ဆရာ့ကို ခေါ်ခိုင်းလိုက်လို့ပါ ။ "
"ဟုတ်ပြီ တပည့်....ဆရာအခုပဲ လာခဲ့မယ်နော် ။"
"ဟုတ်ကဲ့ပါ ဆရာ ။ ကျွန်တော်တို့ သွားပြီနော် ဆရာ ။ "
"အေးအေး..."
"ဟူး...."
ကျွန်တော် သက်ပြင်းရှည်တစ်ချက်ချရင်း ထမင်းစားဆောင်ဘက် ထွက်လာခဲ့လိုက်သည် ။ မတွေ့ချင်တဲ့သူနဲ့ ပြန်တွေ့ရအုန်းမယ် ။
"ဆရာ သူရိန် ဒီဘက်ကိုလာပါအုန်း ။ အလှူရှင်နဲ့မိတ်ဆက်ပေးမလို့ ။ "
ဆရာမဒေါ်သန်းမေ ခေါ်ရာကိုသွားလိုက်ပြီး ဆရာမညွှန်ပြတဲ့ ခုံမှာသာ ဝင်ထိုင်လိုက်လေသည်။
"မောင်ရင်ရေ ဒါကတော့ ဒီပရဟိတကျောင်းက လုပ်အားပေး ဆရာလေးပါ ။ ဆရာလေးနာမည်က သူရိန်လင်းခန့် တဲ့ ။ ဒီကျောင်းမှာ ကလေးတွေကို စာသင်ပေးတာ တစ်နှစ်တောင်ပြည့်တော့မယ်လေ ။ ရုပ်လေးလည်းချော ၊ သဘောလည်းကောင်း တယ် ။ မောင်ရင်နဲ့ဆို ရွယ်တူလောက်ပဲထင်တယ်နော် ။ "
ဆရာမကြီးရဲ့ ရှည်လျားတဲ့မိတ်ဆက်ပေးမှု အဆုံးမှာတော့ ထိုသူက ကျွန်တော့်ကို စိုက်ကြည့်ရင်း စကားဆိုလေသည် ။
"ကျွန်တော် သူ့ကိုသိပါတယ် ဆရာမ ။ ကျွန်တော်နဲ့ တစ်တန်းတည်း တက်ခဲ့တာလေ ။ ဟုတ်တယ်မလား လင်းလေး ..."
'တော်တော် မျက်နှာပြောင်တိုက်တဲ့ကောင် ။ ငါ့ကို ဘာလို့ လင်းလေး ဆိုပြီးခေါ်နေသေးတာလဲမသိဘူး ။ သူနဲ့ငါ နဲ့ ဘာမှ မဆိုင်တော့တာကို ။ ' ဟုဆိုပြီး လင်း စိတ်ထဲတွင်သာပြောနေမိသည် ။
အပြင်မှာတော့ မသက်သာ သလိုဟန်ဖြင့် ပြုံးပြပြီး သူပြောတာကို ခေါင်းငြိမ့်ပြ လိုက်ရသေးသည် ။
"အယ် ရွယ်တူတွေဆိုတော့ ကောင်းတာပေါ့ ။ ဒါဆိုရင်လည်း ဆရာ သူရိန်ရေ ဆရာတို့နေ့လည်စာစားပြီးရင် ဒီကမောင်ရင်ကို ကျောင်းဝန်းထဲ လိုက်ပြပေးလိုက်ပါအုန်းကွယ် ။ ဆရာမ သွားအုန်းမယ်နော် ။"
"ဆရာမကြီးကကော နေ့လည်စာ မစားတော့ဘူးလား ။ "
"ဪ ဆရာမက စားပြီးပြီကွယ့် ။ ဒီက မောင်စိုင်း...ဘယ်သူ အဲ...။"
YOU ARE READING
A Thorn In My Heart(နှလုံးသားထဲကဆူးတစ်ချောင်း)(Complete)
Teen Fictionကောင်လေးနှစ်ယောက်၊သူငယ်ချင်းနှစ်ယောက် ကြားက အချစ်အကြောင်းလေးပါပဲ ။ သူတို့တွေမှာ ရှိခဲ့တဲ့ပျော်ရွှင်မှုတွေ ၊ နာကျင်စရာအချိန်တွေကို သူတို့ဘယ်လိုကျော်ဖြတ်မလဲဆိုတဲ့ အကြောင်းလေးပါ ။ Both Zawgyi & Unicode Start Date - 10/12/2021 End Date - 10/2/2022 Cove...
