ကျောင်းဖွင့်သော နေ့ရက်တို့တွင် ကျွန်တော်မအားလပ် ။ မကြာမီ စာမေးပွဲဖြေရတော့မည် ဖြစ်သဖြင့် ကျောင်းသူ/ကျောင်းသားများကို စာများ revision ပြန်ပေးနေသလို ၊မေးခွန်းများလည်းထုတ်ရသေးသည်။
တဖက်တွင်လည်း ကောင်းကို မေးခွန်းထုတ်နည်းများ ၊ အမှတ်ဇယားဆွဲနည်းများကို စိတ်ရှည်ရှည်ထားကာ သင်ပေးနေရသေးသည်။
New Yearညက ကိစ္စကို ကျွန်တော်အခဲမကျေသဖြင့် သူ့ကိုရှင်းပြနေရင်း ထိုညအကြောင်း မေးလိုက်မိတော့သည်။
"မင်း New Year ညက ငါ့အခန်းထဲမှာ အိပ်သွားတာဆို"
ကျွန်တော်စကားပြောလိုက်တော့ သူမော့ကြည့်လာသည်။ သူ့မျက်ကွင်းညိုညိုတွေက အိပ်ရေးမဝသေးဟု ပြောနေသယောင်။
"အင်း...မေကြီးအိပ်ခိုင်းလို့လေ ။ ကိုယ်လည်း ငြင်းပါသေးတယ် ။ မေကြီးက အတင်းအိပ်ခိုင်းနေတာနဲ့ ကိုယ်အိပ်လိုက်တာပါ"
"အိပ်ရုံပဲလား...မင်းဘာလုပ်ထားတယ်ဆိုတာကိုရော မေ့ချင်ယောင် ဆောက်နေတာလား"
ကျွန်တော့် ပါးစပ်မှ ရုတ်တရက်ထွက်သွားသော စကားတို့ကြောင့် ကောင်းတစ်ယောက် ကျွန်တော့်ကို ပြုံးပြီးကြည့်လာလေသည်။ ထိုအပြုံးသည် လူယုတ်မာ အပြုံးမှန်း ကျွန်တော် သေချာသိလိုက်လေသည်။
"ကိုယ် ဘာလုပ်မိလို့လဲဟင်။ လင်းလေး ဘာဖြစ်လို့လဲ ။"
"တော်ပြီ ဘာမှမဟုတ်တော့ဘူး ။ ခုနက ငါရှင်းပြတာတွေ နားလည်တယ်မလား ။ ငါသွားပြီ"
"နေပါအုန်း လင်းလေးရဲ့။ကိုယ်မေးတာ ဖြေပါအုန်း"
ကျွန်တော့် လက်ကောက်ဝတ်ကို လှမ်းဆွဲလာသူကြောင့် ကျွန်တော့်မှာ ထွက်သွားလို့မရ။
"ဟေ့ကောင် ငါ့လက်ကို ခုချက်ခြင်းလွတ်စမ်း။သူများတွေ မြင်သွားလိမ့်မယ်"
"ဘာတွေ စိုးရိမ်နေတာလဲ လင်းလေး...သူများတွေက ကိုယ်တို့ကို သူငယ်ချင်းတွေလို့ပဲ မြင်မှာပေါ့ ။ မဟုတ်မှလွဲရော လင်းလေးက ဘာတွေတွေးလိုက်တာလဲ"
"ဒီမှာ စိုင်းကောင်းမင်းဝေ ငါပြောနေတုန်း ချက်ခြင်းလွှတ်လိုက်။ နောက်မှ ငါ့အဆိုးမဆိုနဲ့"
YOU ARE READING
A Thorn In My Heart(နှလုံးသားထဲကဆူးတစ်ချောင်း)(Complete)
Teen Fictionကောင်လေးနှစ်ယောက်၊သူငယ်ချင်းနှစ်ယောက် ကြားက အချစ်အကြောင်းလေးပါပဲ ။ သူတို့တွေမှာ ရှိခဲ့တဲ့ပျော်ရွှင်မှုတွေ ၊ နာကျင်စရာအချိန်တွေကို သူတို့ဘယ်လိုကျော်ဖြတ်မလဲဆိုတဲ့ အကြောင်းလေးပါ ။ Both Zawgyi & Unicode Start Date - 10/12/2021 End Date - 10/2/2022 Cove...
