غضب المختار

البارت الثامن

نتبـادل انـه ويـــاك ياريت الگلـوب
حته اتعرفها شلون شوغات الغروب
#عريان_سيد_خلف

..

ود: حياة صعبه فجأه يضهر بحياتك
شخص ويكول تعال اني الوصي عليك من بعد اهلك
شخص لا عايش ويا ولا تعرف اطباعه مو سهله
اباوع ع الرجال عصبي وميتحجه اريد اتذكر وين شايفته
راح من بالي
استفزه عمي راضي
متت رعبه من كام عليه وضربه
اباوع عمي خشمه يجري دم
عززا عمه راح وجها

هيله: اسكتي ولج مشوفي هذا جنه بركان فاير
نوب ابويه خلانا جو جناحه ليش هيج سوا
وليش محجالنه عنه
وليش يثق بي هلكد والله راح اتخبل

ابو حيدر : شكلت يالذيب شني قرارك

نواف: والله يا عمي .....

ابو حيدر:قبل لا تحجي وليدي
خلي شي بالك انت اذا رفضت مراح ترفض بس ورثك وفلوسك اعرف الفلوس ماتهمك بس انت راح تضيع اهلك اخيتك وبنت أخيك حتى رويض لازمه واحد مثلك فوك راسه حتى ينعدل وهاي انا جاي احجيها جدامه فكر زين بويه

نواف: ماشي عمي وصية المرحوم راح تتنفذ والمعاجبه ذاك الحايط وراس عنده
وانا من باجر راح احول ع بيت الجبير وانتم دام مجهزين روحكم تحولون من اليوم

هيله : مفهمت شنحول احنه عدنه دوام بغداد واكو هواي غراض مجبناها محسبنه حسابنه نبقه هنا

ود: اذا ع الدوام اني اكدر اجل هاي السنه بس مثل مكالت عمه هواي غراض عدنه لازمتنه من بغداد

نواف: يصر خير بويه
اذا ع الدوام انا اساعدجن حتى تاجل دبرنها بهل سنه تشوفن الوضع شلونه ابو راضي خلانه جدام الأمر الواقع وبتلي يانواف

هيله :لا تحجي ع ابويه هيج
ممجبور تتحمل مسوليتنه احنه مو جهال معاجبك عوفنه بس لا تحجي ع ابويه هاي بدال متترحم ع روحه

نواف: اباوع عليها تحجي بحركه
حقج حقج عشتي بخيره بويه مالومج
شكد عجبني اضحك بذيج الحظه
اي شكو بيها نترحمله دللي بويه دللي
من بعد اذنك عمي انا طالع وان هسه
وانتم روحو للبيت
حيدر خويه اخذ البنات انت ولا تخليهن بروحهن
لبين ما اجي

اباوع ع نسمه صافنه ولا حجت كلمه وحده
شتحجي خلصة عمرها لا اب ولا ام انا عشت لاخيتي
وصرت الها ام وأب حقج خويه تصفنين
نسمه انا طالع ديري بالج ع خواتج زين بويه
واي شي تعوزن اتصلي عليه فورا

نسمه :صار خويه
توجهت لهيله انا سامعه بيج وبنفسي اشوفج بس
مصارت
نصيبنه نتشاوف بهيج ضروف