ليس هناك مرض يقتل جسدك ،
أكتر من الحزن والتفكير الزائد .💔
ود : وحشه الدنيا صارت بعيوني
هو علموده اني جنت عايشه روحي حايره فاتحة جدو تكفل بيها عمي راضي
اي صح رجع من السفر اجه وجدو بالمستشفى لا كدرت اسلم ولا اصلا اتعرف عليه اجه بوقت جنت ضايعه بي
بس عمه هيله عرفته وحضنته وبجت بحضنه
اني ملكيت احد اشكيله وجعي
جان الي بس جدو وراح
الله يرحمك حبيبي مرت يومين ع وفاة جدو وعمي راضي قرر ميسوي ثالث لان يريد يودينه للبصره الفتهمته ان جدو عايف وصيه ومتنفتح اله هناك بيته
بس جدو محجالي لا ع الوصيه ولا ع البيت
راح اتخبل موتت جدو دوختني والاسرار الجاي تنكشف هم الله يستر من المستقبل شنو ضاملي
راضي : اكلج وين هيله
ود :فوك عمو بغرفتها
راضي :كليلها خلي تحضر نفسها وانتي هم بليل نطللع استعجلن ماريد تأخير سمعتي
ود:اي سمعت
شبي هذا ليش يحجي وياي بهاي الطريقه
ولا رتاحيتله احسه غريب عني
صعدت لعمتي دكيت الباب ودخلت لان اصلا ع وضعها من دفنت جدو لليوم
عمه عمي راضي يكول تحضرن بليل نطلع للبصره
اباوع عليها بعدها صافنه اتقربت يمها وكعدت كبالها
نزلت دموعي ع وضعي وضعها
عمه تدرين بيه شكد متعلقه بجدو
فراكه صعب علينه بس لتسوين هيج بروحج
سوده عليه روحه ماريدها تتاذه الله بس وحده يعلم بوجع كلبي عليه
هيله:ابويه هذا ود ابويه العوضني ونساني فراك امي هو مو راد اطلع الأولى هاي السنه خلي يرجع واطلع الأولى ع دفعه كلها بس يرجع والله مكدر كلبي يوجعني عليه
ود:حظنتها وضلينه نبجي محد يحس بالوجع اله صاحبه
اني وعمتي عشنه طفولتنه وحياتنا اكثر شي ويا جدو امي مشفتها وابويه من طفولتي مات وبيبي هم والصبرنه ع الدنيا جدو وهسه يفاركنه صدك حياتنه خاليه صارت
هيله :ليش يريد يودينه للبصره شلنه بيها هناك
ود:معرف عمه بس جدو كاتب وصيه ولازم نقرأها بيت جدو
انتي تدرين جدو عنده بيت بالبصره
هيله : اي اعرف بيت جدي صار نصيب ابويه من الورث وهو الجبير استلم المشيخه من جدو بس بعدين سلمها لعمي وهو اجه لبغداد علمود وظيفة ابوج
ود :جدو ليش مرجع بعد وفاة بابا
هيله :صدكي ما اعرف يمكن حتى يكون قريب ع امي واخوي
ود:كومي عمه كومي حبيبه خلي نشوف شراح يصير
هيله:روحي انتي اني اسبح وعود ألم الغراض وياج
ود:ماشي براحتج
نزلت دخلت لغرفة جدو ياروحي احس طيفه هنا نور وجها ميروح من بالي شلون انساك شلون اتحمل فراكك حبيبي
جنت توصيني ما ابجي ع اي شي وهسه عيوني احسهن
يعمن ع فراكك لتعوفني ودعيلي جدو دعيلي بالقوه
اخذت الجنط من فوك الكنتور ورحت ألم هدومي وهدوم عمتي وشنو اليلزمنه خليته بالجنطه طلعت عمتي
وساعدتني
راضي : ها بشرن وين وصلتن
هيله : ليش هيج مستعجل
راضي :طريقنه طويل استعجلي
هيله : بس لا تريد ترجع للخارج يراضي
اباوع عليه صفن بوجهي وعافني وطلع
ماجذب ابويه يوم كال عنك اغم
أنت تقرأ
غضب المختار
Ficción General(للكاتبة سُكينة الشمريه) رجل يقع في الحب ويتزوج ولكن في منتصف الطريق يجد نفسه وحيدا مع ابنه الصغير وبسبب الخذلان لا يثق بالحب ولا بالنساء وفي يوما ما وفي بيت احد اصدقائه يجد الحب مرة أخرى ليقع في شباك حواء وبسبب حبها وايمانها به اصبح قلب الضابط الغ...
