غضب المختار

البارت الثامن والخمسون

ذر: طلعت من البيت اجاني اتصال رقم غريب الوو

..سلام عليكم شلونك استاذ

ذر: وعليكم السلام منو

.. اني ام رفل

ذر: تذكرت اني ما حافظ رقمها هلا يابه اعتذر رقمج ما مسجل يمي

..ضروري اليوم اشوفك لان اريد اشوفك شي يساعدني بقضيتي كل ما امرلك للمكتب مو موجود

ذر: خليت ايدي ع راسي صحيح عندي فاتحه ولتهيت ان شاء الله باجر موجود

رفل: اسمع

ذر: التفتت شفتها واكفه جنها شرطي

اي ماشي باجر نلتقي الله وياج

سديت لخط خيرر

رفل: اسمع اخر مره اكلك شيل ايدك من هاي السالفه انت منو حتى تدخل بيني وبين اهلي

ذر: خلصتي

رفل: ابتعد عنها هاي مره تاذي كل شخص يتعامل وياها هاي اني حذرتك

ذر : أكدر اعتبر هذا الشي خوف عليه

رفل: شنو

ذر: شكو بيها اعترفي انت خايفه عليه من امج

رفل: لدكول امج هاي مو امي وبعدين ليش حتى اخاف عليك

ذر: شمدريني اسألي روحج

رفل: اخر همي انت

ذر: تعالي بالبيت واحجي هذا الحجي عيب العالم تباوع علينه

رفل: انت واحد ... عافني ودخل للبيت

رفل: رفعت اصبعي لا تستفزني

ذر: ليش شسويت

اسمعيني زين اي شي ياذيج اني راح أسعى ورا

رفل: باوعتله بغضب احسب حسابك من اليوم نفتحت الحرب وياك ومن طبعي اخسر بحرب وبالاخص اذا شخص اكرها مثلك

ذر: كلش افرح من ادخل وياج بحرب استلذ بخسارتج
اباوعلها بابتسامة نصر وهي عيونها نكلبت جحيم

تدرين عيونج حلوه من تعصبين

رفل: اباوعله بحيره شخص متقلب وعجيب

ذر: ابتسمت يلا عمو امشي روحي لبيتكم يلا يلا باباتي

رفل: ضليت صافنه هذا شنو يحجي نوب يدفع بيه باصبعه ويحجي عبالك طفله كباله

ذر:وصلتها للباب تندلين الطريق لو اصيح ابوج

رفل: راد يمشي صحت ورا اذا شفتك وياها

ذر:التفتت جاي ارد عليها شفتها شالت حجاره من الكاع وضربت شباك الباب مال بيتي غمضت عيني بغضب