غضب المختار

البارت الواحد والثلاثون

- في مثل هذا الليل يتورّط المرء بأفكاره وأحيانًا بقلبه.🚶‍♂️💔

_________

علي : شرايده يمه

شيخه: ولك عليوي وضعك ما عاجبني شمالك صارلك جم يوم كالب وجهك وضارب الدنيا هسه كوم ورا اخيك جا عصبي وراح لمرته لا يتهور ونوب جدام اهلها

علي: يما اخوي مو زغير يعرف يتصرف وأنا شني اركض ورا جاهل هو خما جاهل خليني بعد ساعه وطالع لشغل خليني اناملي ساعه فكي عني يمه

شيخه: منيوه ولج منيوه امشي لعمتج خليها تجيني

علي: شني شني صدك تحجين عود طلعين بتج يمه من يمتى

شيخه: من اليوم دام انت واخيك مو الي وما سمعون جلمتي خلي بتي دكوم لمها لو هاي عندك عجيبه جا خوش انا رايحه
خليكم مرتاحين لا تعبون جدامكم

علي: يممممه صدك تحجين شمالج اليوم

شيخه: انا يو انت ولك احجيلي شني علتك لا والحمزه اهج من البيت واخلي الك ولخيك ذاك المايحترم

علي: تكفرونه هسه جاي ساعه اناملي واطلع حتى بيتي ما اكدر ارتاحلي بي ساعه اذبح روحي واخلص ذبي عباتج ودخلي انا رايح اصيحها وكواد اليرد الكم بعد

مينه: يمه شني شمالج ويا علي ما شوفي تعبان وجاي من شغله وكت عمتي هسه

شيخه: اخوج جنه مسحور وضعه ماهو طبيعي انا اروح اكشفلهم ثنينهم يم السيد يطلع الجن الراكبهم

مينه: جن اسم الله الرحمان راكب ياهو

شيخه: اخوتج اخخ ولك بويه مرمروني هل ثنين شني من فلك ذوله مات رويد وخلالي الضيم بركبتي

مينه: ديله هسه جيت مختار لا يسمعج ويحرك البيت

شيخه: جا هو فالح بس هيج
امشي فتحي الباب امشي ولج سريع

مينه: ركضت للباب جايه جايه
فتحته دخل مختار بسرعه وخله ذر بيدي دخلت ورا ود اعاين عليها الوجه مبلوع جنها جانت بسباق
ولج شمالج وجهج اصفر

ود: مختار شبي ليش هيج عصبي

مينه: ادخلي ادخلي شربي ماي لا تهبطين
يممممممه
دخلنه انا ود ناولتها كلاص مي شربت منه جاي نحجي وسمعنه صوت مختار من الغرفه جفلنه كلنه من صوته

مختار: ووووووود

ود: بسم الله

شيخه: خليك خليك راح تجبس البت ما تخلف بعد عفيه بوليدي عفيه ولكم شلعو كلبي ذوله انا مالي دخل بيهم بعد

ود: عافتني ودخلت لغرفتها عمتي
لا عفيه شو الكل تبره مني شلت عباتي وصعدت الدرج وصلت لباب الغرفه ايدي ترجف فتحت الباب ودخلت لكيته كاعد ع جربايه وأيده ع رجله ويهز برجليه