غضب المختار

البارت السابع عشر

‏حكم جميلة

📙الإحترام عشرة أجزاء .. تسعة منها في الصمت .. والعاشر إعتزالك لصغار العقول ..

_______

ود: سحبني من ايدي وقبل لا نمشي شفت دكتوره صاحت باسمه ضليت صافنه عليها مو دكتوره ملاك تجنن العيون عسلي ويلمعن حنطاويه بس وجها صافي جسمها حلو واكفه ومدخله ايدها بجيب الصدريه التفت عليها وضل يباوعلها ويعصر بأيدي وجعني حيل
من كالت هاي مرتك باوعت عليها تحجيها ومبتسمه باستهزاء
رفعت عيوني عليه ماكو ردت فعل بس مبين عصب من شي

هبه: اخيرا شفتك بعد هل سنين طمني ابني شلونه

ود: تحجي وتباوع عليه من كالت ابني شلونه
نصدمت هاي مرته معقوله 

مختار: شرجعج لهنا

هبه: ههه شغل شغل تعرف دكتوره معروفه
جانت زوجتك السابقه مكتلي اباركلك ع زواجك لو حب
جديد

مختار: اصعدي جاي وراج

ود: طلب مني اعوفهم وعيونه منزلها منها ابد

هبه: واو تخاف عليها مني خليني اعرف
مرت زوجي الاخذت كلبه بعد ما حلف ميسلم كلبه
لجنس حواء ابد

مختار: جاي اكلج اصعدي

ود: عفتهم وصعدت يم عمي نواف
التفتت عليهم شفته يحجي وياها بعصبيه بس
كلشي مسمعت لان بعيده عنهم

مختار: للمره الثانيه اكلج شرجعج للعراق

هبه : انت بسببك رجعت
مكدر اعيش بدونك رجعني الك
خلينه نعيش سوا مره ثانيه اريد اعيش وياك ويا ابني

مختار: هههههه لاول مره اضحك من كل كلبي
لج انتي نسيتي نفسج نسيتي جنتي مجرد حشره
سويتلج اسمج الجايه تتباهين بي جدامي
ولا عبالج ندمان لاا مو مختار اليندم ع شي يسوي
انا ما اخسر انا انخسر وانتي خسرتي كلشي مو بس انا
لو بمكانج ما اراوي وجهي لاحد وجاي طلبين مني ارجعلج
شني هاي صلافه لو شني

هبه : لتنسه الاخذته هو حقي واني ما سويت شي غلط
حقي وأخذته وبنيت مستقبل الي مستقبلي الجنت دافنه
تحت تسلطك وغيرتك كتلك مختار خلي نتناقش سفره جانت
مهمه الي والمهنتي وجان ممكن تغير وضعنه بس انت شسويت
رفضت وو

مختار: بسسسسسسسس
كلمه زايده ما اسمع منج اسمعيني هاي المره راح اعديها
مره ثانيه تشوفيني غريب عنج ولا جنج تعرفيني وعيونه لذر امحيج واحسب الله ما خلقج عفتها ومشيت

هبه : نشوف ليوين راح تقاوم يا سيادة الملازم

نواف: وين مختار جاي ادك عليه ما يجاوبني