غضب المختار

البارت الرابع والثلاثون

- الخوش زلمه يفوت بالعركه ويه اخوه
- وعود تالي يسأل ياهو
الغلطان وبده ♥️.

حجي نواف...💙

____________________________________________

نواف: ضليت صافن شني يموت شجاي تحجي انت

حيدر: ابوي جاي يموت نواف
حجاها بدموع عيونه وقهر كلبه

نواف: نسيت سالفت كرير عمي ابو حيدر ابوي وعزيز عليه ما عندي اب هو جان الي اب وصديق عفت الولد ودخلت للبيت
اول ما دخلت من باب الاستقبال شفت هيله ونسمه هيله انا غضبان عليها ركضن اول ما شافني هيله عثرات اجت طيح
كضيتها من ايدها

نسمه : هيله: نوووواف

نواف: جلبن بيه رايد ادخل اشوف عمي وذني ما يخلني

هيله: هاي انت ويننن رحت هااا وين رحت وعفتنه

نواف: تحجي وتبجي ونسمه بس تناشغ

نسمه: نواف ليش هيج سويت بينه وين اختفيت

نواف: عمي وين

دره: الحمدلله ع سلامتك نواف ابوي بغرفته

نواف: ميلن عني يول خلني اشوف دربي

هيله: غير مشتاقيلك

نواف: عفتهن ومشيت لغرفة عمي دكيت الباب ودخلت شفته عمي متغير وجها مو مثل كبل ذبلان فدمره

التفت عاين عليه وصاح

ابو حيدر: نواف هاذ انت جيت

نواف: اي عمي انا شصاير بحالك شجاك

ابو حيدر: شفت عمي العمر ما يدوم اليوم تشوفني باجر لا الحمدلله ع كل حال تعال وليدي كرب حدري

نواف: عمي ما متعلم عليك نايم وتحاجيني

ابو حيدر: يالله تعال ولك ساعدني اكعد

نواف: تقدمة عليه تجيت ضهره ع المخده

ابو حيدر : اخ يا حيدر يابويه كلي ولك وين اختفيت خليت بالنه عليك شني الصار احجيلي

نواف: لا تشيل هم عمي جان عندي شغل وهسه فضيته

ابو حيدر: لا تجذب عليه ولك انا مربيك واعرف شني البيك وشني المابيك احجيلي وليدي لا تضم بكلبك تراك ذبلان اكثر من عمك

نواف: عمي سالفه طويله لا تشيل همي هسه اهم شي صحتك كلي شني اليوجعك

ابو حيدر: نواف يمتى بويه تشيل هل حمل عني كاسر ضهري
وانا اخاف من الجاي اخذها من هسه يبن اخوي وريحني كبل لا ربك ياخذ امانته

نواف: عمرك طويل عمي والله يا عمي مو مال هيج حمل انا البالي غير رايد اخذ اهلي واترك الديره بعيد ويمكن اخذهم لبغداد