غضب المختار

البارت السابع والخمسون

مختار: بعد ما خلصت الفاتحة دخلت للبيت راسي لثالث انا ما هاد اول ما دخلت ذبيت روحي للكاع

ود: ركضت عليه بأيدي مي بجيت ع حالة ماقبل يشرب
اخذت بأيدي شويه مي وغسلت وجها

راسك رجعلك مو

مختار: حيلي نهد تعبت ود تعبت

ود: لا تحجي هيج مختار تكسر كلبي عليك

مختار: عمتي راحت ريحة ابوي راحت ود لكيتها ترافس من النار ماكله رجليها اكل ما شفتيها من شلتها عينها ع بتها وهي تصارخ ما لحكنه عليها ماتت قهر ع بتها

ود: بشهكه : ما تستاهل هيج فاجعه عمتي جانت مره طيبه وما ماذيه احد شاغت روحي عليها لو تشوف شموخ وحالها يكسر باب الكلب صارلها من الحادث لليوم كلشي ما حاطه بحلكها

تريد تموت روحها ورا امها واختها

مختار: راقبيها ود راقبيها هاي أمانة عمتي لا تغفلون عنها
ما اغفر الكم لو صار بيها شي

ود: والله معايفتها ابد دائما يمها حتى البنات ما اشوفهن بكدها

كوم حبيبي كوم اسبح ونام شويه فدوه اروحلك انت تعبان

مختار: لا يا نوم بويه يا نوم خلي اسبح واطلع وراي شغل لراسي من غير الدوام

ود: مختار مصارلك سبوع نازل

مختار: هاذ شغل وحد ماله دخل بالسفر لازم التحق الكو... مالين العراق خلي نظف البلد ذاك الوكت انام

ود: صعدت قبل لا يصعد حضرت الحمام وهو راح يم عمتي البنات صارلي يومين مشايفتهن يم عمتي خليتهن واني ومينه كايمات بالبيت ومينه اربعه وعشرين ساعه يم شموخ متعوفها

نزلت شفت علي كاعد بالمطبخ وأيده ع راسه مفجوع بعمته وبحال شموخ الي لا تحجي ولا تاكل بس صافنه عبالك داخله بحالة صدمه

عفته دخلت لغرفة عمتي شفته نايم ع رجليها مغمض عيونه
وحده من البنات بحضنه يمكن جانت تبجي اول واحد شالهن هو مختار صارن يعرفن ريحته

يذكرني بذر جان من يشوف ابو ينام هسه وليدي ع ريحتي ينام اغدي فدوه لطوله الحنين يزحف الهن ويصيح مامي ددا

صحيح شغل هواي وصارت عدنه فاتحه ونسوان اجن ياخذن من خاطر عمتي بس عيني دائما ع ذر معفته ابد روحي بي يحفظه ربي من عين كل من شافه وما صل ع نبي بالفاتحه نسوان عافن العزه وكعدن يلعبن بي

لابس اسود وهو ابيض وعيونه الخضر يلمعن بالضوه يلزمنه من خده وهو صافن عليهن بس من يشوفني يبجي حتى اشيله

والبنات الصغيرات يجيبن بهل مي ويشربن بي لو عصير وهو مكيف اجيت لكيته سابح بالعصير حلكه وملابسه