غضب المختار

البارت العشرون

يوماً ما...
سأقف امام الجميع و سأصرخ بأعلى صوتي..
" تَحَقَقَ مَا كَانَ بالأَمْسِ حُلمَا "...

________________

مينه: صدمنه كل الكاعدين صافنين ع مختار هو شكال
يزوج ومنو ود امي الوحيده العيونها جرن بسرعه وجنها
ممصدكه الدنيا ما واسعتها من الفرحه

شيخه: مختار يمه تحجي صدك يعني انا السمعته

مختار: اي يمه سمعتي صح انا قررت اتزوج والاريدها
بنت اخو لنواف ليش هيج مستغربين شني السالفه

علي: ضليت صافن عليه
اي حقك ابا ذر السالفه عندك سهله بس تعرف شني يعني
مختار يقرر يتزوج مره ثانيه انا كلت راح تعجز وحدك
رجعت اعاين عليه خزرني
لا لاا يعني اقصد هاي البت بت ساده اكيد خلتك تفكر
بالزواج

مختار: الصم عليوي

علي: صار

مينه: والله ياخويه هنيالك ويازين ماختاريت ود ورده مال الله
شفتها مره وحده وحبيتها وصدك تلوك لواحد مثلك تقصدت
احجي هيج كدام ام السحوره العبالها اخوي يجي بالسحر
اباوع عليها صفرت من حجه مختار ليهسه انا هسه عاجبني
اتشمت سامحني ربي بس تستاهل

شيخه: والله من كثر ما نفسي بيها كلت اخاف اكلك اخذها
وتضوج حجيت باسم اخيك حتى لا تروح لغريب وهسه اجتي
من الله فدوه اروح لطولك يوم الفرحتني بهل خبر هسه بهاي
الحظه رايحه اطلبها الك

مختار: يمه هدي وذكري ربج انا هم اريد اعقد قبل لا التحق
بس خليها ع باجر احسن

علي: مستعجل

مينه: يحجي وياشرلي بعينه ضحكت ع سوالفه ميدري
مختار سمعه

شيخه: بروح ابيك خليني اروح اليوم الوكت بعد نجيس
نبض البت اليوم وباجر تعقد

مختار: يمه

شيخه: حلفتك بأبيك

مختار: ماشي بس يمه الحجي يصير ويا نواف
البت لا تسمعيها شي منا لباجر علي امشي وياهم

علي: صار

مختار: نشوف وين توصل الله كريم

مينه: ما صدكت امي مشت بدلت ثوبها جن عرس ابنها
ولبست عبايتها وعطرتها

علي: ويلي عليج يام مختار شطالعه جا بالعرس شطلعين

شيخه: خلي تصير والله لالعب فلك

علي: كفوووووو كفو منج يالذيبه يله من تصير نتكابل انا وياج
صارلي هواي مصارف طاقه رايد افرغ

شيخه: امشينه ولك امشينه يله خيه همي ايدج

مره: جايه خيه هياتني يارب يامسهل